‘सामना न्यूज एक्प्रेस’ची हनुमान उडी! वेळ वाचणार; बातमीही नाही चुकणार, मराठी न्यूजसाइटमधील पहिला प्रयोग

न्यूज वेबसाइटच्या दुनियेत दैनिक ‘सामना’ची डिजिटल आवृत्ती Saamana.comने कोटय़वधी पेज ह्यूज आणि युझर्ससह अढळ स्थान निर्माण केलं आहे. गेल्या आठ वर्षात मोठ मोठे टप्पे गाठले असून आता ‘Saamana News Express’ द्वारे जणू हनुमान उडीच घेतली आहे. ज्यावर वाचकांच्या पसंतीची मोहर उठत आहे.

धावपळीच्या जगात संपूर्ण बातमी वाचणं अशक्य होऊन बसलं आहे. सोशल मीडियावरील रील्समुळे आता बातम्या देखील चटकन दिसतील, झटपट वाचता येतील अशा तऱहेनंच असल्यास वाचकांच्या पसंतीस उतरतात. त्यासोबतच ‘फेक न्यूज’ देखील मोठी समस्या आहे. अशावेळी खरी बातमी, ताज्या घडामोडी एका नजरेत डोळ्याखालून घालण्यासाठी मराठी वेबसाइटच्या दुनियेत सर्वात पहिल्यांदा Saamana.com घेऊन आलं आहे ‘Saamana News Express’. मराठी वेबसाइटच्या दुनियेत हा पहिला प्रयोग असून काही दिवसातच नेटकऱयांच्या पसंतीस उतरला असून काही लाखात पेजह्यूज पोहोचले आहेत. दैनिक सामनाची डिजिटल एडिशन Saamana.com वर आता Saamana News Express ठळक बातम्यांच्या सेक्शनमध्ये दिसते. यावर क्लिक केल्यावर तुम्हाला अग्रलेख, ताज्या घडामोडी, महत्त्वाच्या बातम्या एका नजरेत काही क्षणात वाचता येतात. तुम्हाला महत्त्वाची वाटलेली बातमी, व्हिडीओ सविस्तर पाहायचे असल्यासच तुम्ही त्यावर क्लिक करून संपूर्ण बातमी वाचू शकतात.