लोकशाहीचे रक्षण करा! सुप्रिया सुळे यांना आजीबाईंचे साकडे

Lok Sabha Election 2024: भारत वाचवा, लोकशाहीचे रक्षण करा, असे साकडे एका वयस्कर महिलेने खासदार सुप्रिया सुळे यांना घातले. याची व्हिडीओ क्लिप प्रचंड व्हायरल झाली आहे.

बारामती लोकसभा मतदारसंघातील महाविकास आघाडीच्या उमेदवार खासदार सुप्रिया सुळे यांचा भोर तालुक्यात गावभेट दौरा सुरू होता. आंबवडे येथील टिटेघर रस्त्याच्या चौकात एस. टी. बस थांबा शेडमध्ये काही वयस्कर महिला एसटी बसची प्रतीक्षा करीत होत्या. पान्हवळ गावातील भागुबाई विठ्ठल कोंढाळकर याही एसटीसाठी थांबल्या होत्या. सुप्रिया सुळे यांनी त्यांच्याशी संवाद साधला. यावेळी त्यांनी ‘भारत वाचवा व लोकशाहीचे रक्षण करा’, असे साकडे सुप्रिया सुळे यांना घातले. सुप्रिया सुळे यांना कोंढाळकर यांनी डोक्यावर हात ठेवून आशीर्वाद दिला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.