लोकल आणखी फास्ट होणार

रडतखडत चालणाऱया लोकलमुळे प्रचंड हैराण व्हायला होते. एक तासाच्या प्रवासासाठी अनेकदा दुप्पट वेळ लागतो, पण आता ही कटकट संपणार आहे. कारण रेल्वेगाडय़ा तब्बल 110 ते 130 किमी ताशी वेगाने धावणार आहेत. तसेच रेल्वे ओलांडताना होणारे अपघात रोखण्यासाठी मध्य रेल्वेने 1282 किलोमीटर रेल्वे मार्गिकेवर सेफ्टी फेसिंग अर्थात सुरक्षा पुंपण उभारण्याचे काम हाती घेतले आहे.  1282 पैकी 404 किलोमीटर मुंबई उपनगरीय रेल्वेमार्गावर सुरक्षा पुंपण उभारण्यात येणार आहे. त्यामुळे लोकलचा वेग वाढण्यास मदत होणार आहे.

रेल्वे रूळांवर गुरांचेही मोठय़ा प्रमाणावर अपघात होतात. गुरांचा कळप रेल्वेला आडवा आल्यास मोठय़ा प्रमाणावर जीवितहानी होते. गेल्या काही महिन्यांपासून वंदे भारत ट्रेनला गुरे धडकण्याच्या घटनाही प्रचंड वाढल्या आहेत. त्यामुळे गुरांचा बंदोबस्त करण्यासाठी आणि मेल-एक्स्प्रेस रेल्वे गाडय़ांचा वेग वाढण्यासाठी मध्य रेल्वेने तब्बल 4 हजार 226 किलोमीटर रेल्वेमार्गावर सुरक्षा पुंपण उभारण्याचे कामही हाती घेतले आहे.

n लोकलमधून किंवा रेल्वेतून पडून अपघात होऊ नयेत यासाठी रेल्वे रूळांशेजारी संरक्षक भिंत बांधणे, दोन रूळांच्या मार्गामध्ये संरक्षक जाळी, स्थानकात पादचारी पूल बांधणे तसेच प्रवेशद्वार बांधण्याचे काम केले, परंतु गेल्या काही वर्षांमध्ये हे अपघात कमी झालेले नाहीत. त्यामुळे सुरक्षा पुंपण बांधून शून्य अपघाताचे मध्य रेल्वेचे नियोजन आहे.