निवडणूक रोखे प्रकरणातील मेघा इंजिनीअरिंग कंपनीवर गुन्हा; 78 लाख रुपयांची लाच दिल्याचा सीबीआयचा आरोप

सर्वाधिक निवडणूक रोखे खरेदीदारांमधील दुसऱया क्रमांकाची कंपनी मेघा इंजिनीअरिंगवर सीबीआयने एका लाच प्रकरणात गुन्हा दाखल केला आहे. पायाभूत सुविधा उभारणी क्षेत्रातील या पंपनीने तब्बल 966 कोटी रुपयांचे निवडणूक रोखे खरेदी केले होते. मुंबईसह देशात अनेक मोठे पायाभूत सुविधा प्रकल्पांची पंत्राटे या पंपनीला देण्यात आली आहेत.

आठ अधिकाऱयांची एफआयआरमध्ये नावे

यासंदर्भात 31 मार्च रोजी दाखल करण्यात आलेल्या गुह्यानुसार, मेघा इंजिनीअरिंगचे प्रकल्प विभागाचे संचालक सुभाष चंद्रा यांनी एनआयएसपीचे माजी कार्यकारी संचालक प्रशांत डॅश यांना लाच म्हणून मोठी रक्कम दिली, असा उल्लेख एफआयआरमध्ये आहे. उत्पादन विभागाचे संचालक डी. के. मोहंती, डीजीएम पी. के. भुयान, डीएम नरेश बाबू, वरिष्ठ व्यवस्थापक सुब्रो बॅनर्जी, निवृत्त सीजीएम एल, कृष्ण मोहन, जीएम के. राजशेखर, व्यवस्थापक सोमनाथ घोष यांनी 73 लाख 85 हजार रुपयांची लाच स्वीकारल्याचा आरोप आहे, असाही उल्लेख एफआयआरमध्ये करण्यात आला आहे.

174 कोटींची बिले मिळवण्यासाठी 78 लाख रुपयांची लाच

या पंपनीसोबतच सीबीआयने, एनआयएसपी, एनएमडीसी आणि मिकॉनमधील दोन पदाधिकाऱयांवरही या प्रकरणात गुन्हा दाखल केला आहे. जगदलपूर स्टील प्लांटशी संबंधित 174 कोटींची बिले मंजूर करण्यासाठी 78 लाख रुपयांची लाच स्वीकारल्याचा आरोप या अधिकाऱयांवर ठेवण्यात आला आहे. जगदलपूरमध्ये सुमारे 315 कोटी रुपयांचा स्टील प्लांट उभारण्यात आला असून त्यात कथितरीत्या गैरव्यवहार झाल्याचा दावा एनएमडीसी लिमिटेडच्या मुख्य दक्षता अधिकाऱयांनी केला होता. यानुसार त्यांनी दाखल केलेल्या तक्रारीवर सीबीआयने 10 ऑगस्ट 2023 रोजीच प्राथमिक चौकशी सुरू केली होती.