बांगलादेशात शुक्रवारी सकाळी भूकंपाचे झटके बसले. या भूकंपात सहा जणांचा मृत्यू झाला असून 200 जण जखमी झाले आहेत. भूकंपाची तीव्रता 5.7 रिश्टर स्केल इतकी नोंद नोंदवली गेली. ढाकापासून 25 किमी अंतरावर नरसिंगडी जिल्ह्यातील घोराशाल येथे भूकंपाचे केंद्र होते. भूकंपानंतर बांगलादेशात सुरू असलेला बांगलादेश-आयर्लंड आंतरराष्ट्रीय क्रिकेट सामनाही थांबवण्यात आला आहे.
भूकंपामुळे इमारतीची भिंत आणि छताचा काही भाग कोसळल्याने तीन जणांचा मृत्यू झाला. तर पुलाची रेलिंग तुटल्याने तीन पादचाऱ्यांचा मृत्यू झाला. याशिवाय विविध ठिकाणी सुमारे 200 जण जखमी झाले. भूकंपामुळे संपूर्ण शहरात घबराटीचे वातावरण पसरले आहे. अमेरिकन भूगर्भीय सर्वेक्षण (USGS) नुसार, सकाळी 10.38 वाजता भूकंपाचे धक्के जाणवले. या खोली 10 किलोमीटर होती.
Comment List