मोनोरेलची सेवा पुढील आदेशापर्यंत स्थगित, वारंवार होणाऱ्या तांत्रिक बिघाडानंतर एमएमआरडीएचा निर्णय

वारंवार होणाऱ्या तांत्रिक बिघाडानंतर मोनोरेल प्रणाली अधिक सक्षम आणि आधुनिक करण्यासाठी एमएमआरडीए महत्वपूर्ण पाऊल उचलत आहे. याच पार्श्वभूमीवर मोनोरेलची सेवा तात्पुरती स्थगित करण्याची घोषणा एमएमआरडीएने मंगळवारी केली आहे. त्यानुसार शनिवार 20 सप्टेंबरपासून मोनोरेलची सेवा स्थगित करण्यात येणार आहे.

या नियोजित ब्लॉकमुळे नवीन रोलिंग स्टॉकचे जलद एकत्रीकरण, प्रगत CBTC सिग्नल यंत्रणा बसवणे आणि सध्याच्या रेक्सचे नूतनीकरण अधिक वेगाने करता येणार आहे. यामुळे मुंबईकरांना सुरक्षित, सुरळीत आणि अधिक विश्वासार्ह सेवा मिळेल.

मोनोरेलला पुनरुज्जीवित करण्यासाठी हा महत्वाचा टप्पा आहे. नवीन रेक्स समाविष्ट करून, प्रगत CBTC सिग्नल यंत्रणा आणि सध्याच्या रेक्सचे नूतनीकरण यामुळे प्रवाशांना अधिक सुरक्षित, विश्वासार्ह सेवा मिळेल, असा विश्वास एमएमआरडीएचे महानगर आयुक्त, आयएएस डॉ. संजय मुखर्जी यांनी व्यक्त केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.