भाजपप्रणित मेघालयात उलथापालथ, ८ मंत्र्यांनी अचानक दिले राजीनामे; काय आहे कारण?

मेघालयात राजकीय गोंधळ निर्माण झाला आहे. भाजपप्रणीत या राज्यात १२ पैकी आठ मंत्र्यांनी अचानक राजीनामा दिला. राजीनामा दिलेल्या मंत्र्यांमध्ये एनपीपी, यूडीपी, एचएसपीडीपी आणि भाजपचे मंत्री आहेत. राजीनामा दिलेल्या मंत्र्यांमध्ये एनपीपीचे अँपरीन लिंगडोह, कॉमिंगन याम्बोन, रक्कम ए. संगमा आणि अबू ताहिर मंडल, यूडीपीचे पॉल लिंगडोह आणि किरमेन शैला, एचएसपीडीपीचे शकलियार वारजरी आणि भाजपचे ए एल हेक यांचा समावेश आहे. मेघालयात मंत्रिमंडळ फेरबदलापूर्वी हे घडले आहे.

सध्या मेघालयात नॅशनल पीपल्स पक्षाचेसरकार आहे, ज्याचे नेतृत्व मुख्यमंत्री कोनराड संगमा करत आहेत. या सरकारमध्ये अनेक पक्षांचा समावेश आहे. हे सरकार मेघालय डेमोक्रॅटिक अलायन्स नावाच्या युतीवर आधारित आहे. २०२३ च्या विधानसभा निवडणुकीनंतर ही युती स्थापन झाली. ६० सदस्यांच्या विधानसभेत एकूण १२ मंत्री होते आणि यापेक्षा जास्त मंत्री असू शकत नाहीत. यापैकी ८ जणांनी राजीनामा दिला आहे.

मेघालयात ८ मंत्र्यांनी का दिले राजीनामे?

मिळालेल्या माहितीनुसार, मंत्रिमंडळ विस्तारापूर्वी हे करण्यात आले जेणेकरून काही नवीन चेहऱ्यांना मंत्रिमंडळात समाविष्ट करता येईल. नवीन मंत्र्यांचा आज संध्याकाळी ५ वाजता राजभवनात शपथविधी होणार आहे. मेघालयातील मंत्रिमंडळ फेरबदलामागे अनेक कारणे आहेत. टीव्ही९ भारतवर्षला सूत्रांनी दिलेल्या माहितीनुसार, मेघालय लोकशाही आघाडीत संतुलन राखण्यासाठी आणि सर्व वर्गांना प्रतिनिधित्व मिळावे यासाठी मित्रपक्षांना खूश करण्यासाठी हा फेरबदल केला जात आहे.