कोल्हापुरात पंचगंगा धोका पातळीजवळ

कोल्हापुरात पंचगंगा धोका पातळीजवळ

गेल्या चार-पाच दिवसांपासून जिल्ह्यात सुरू असलेल्या संततधार पावसाचा जोर किंचित कमी झाला आहे. राधानगरी धरणाचा एक स्वयंचलित दरवाजा बंद झाला असून, सहा दरवाजांमधून आठ हजार 640 क्युसेक विसर्ग सुरू आहे. मध्यरात्री 39 फुटांची ‘इशारा’ पातळी ओलांडलेल्या पंचगंगेची पाणीपातळी दुपारी चारच्या सुमारास 40 फूट 11 इंच झाली होती. तासाला तीन इंचांची वाढ होत असून, लवकरच 43 फुटांची ‘धोका’ पातळी ओलांडण्याच्या शक्यतेने प्रशासन अधिक ‘अलर्ट’ झाले आहे. सायंकाळी आठ वाजता पंचगंगेची पाणीपातळी 41.7 फूट झाली होती.

‘कृष्णा’ 38 फुटांवर सांगली : कोयना आणि वारणा धरणातून सोडण्यात येणाऱ्या पाण्यामुळे कृष्णा नदीच्या पाणीपातळीत दरतासाने वाढ होत आहे. सांगलीत आयर्विन पुलानजीक संध्याकाळपर्यंत इशारा पातळी गाठेल, अशी स्थिती आहे. दुपारी चार वाजता 38 फुटांवर असणाऱ्या पाणीपातळीत वाढ होत आहे. त्यामुळे कर्नाळ रोड, सूर्यवंशी प्लॉट, पटवर्धन कॉलनी, दत्तनगर परिसरातील घरात पाणी घुसले आहे. या परिसरातील जवळपास दीडशे कुटुंबांतील पाचशे लोकांनी जनावरांसह स्थलांतर केले आहे. सांगली, मिरजेतील स्मशानभूमी पाण्याखाली गेली आहे.

भीमा नदीत 1 लाख 64 हजारांचा विसर्ग सोलापूर/पंढरपूर : उजनी व वीर धरणाच्या पाणलोटक्षेत्रामधील सततच्या पावसामुळे धरणाच्या पाणीपातळीमध्ये सातत्याने वाढ होत आहे. धरणाची पाणीपातळी नियंत्रित करण्यासाठी उजनी धरणातून एक लाख 10 हजार क्युसेक, तर वीर धरणातून 54 हजार 760 क्युसेक असा एकूण एक लाख 46 हजार 360 क्युसेक इतका विसर्ग सोडण्यात आल्याने नदीकाठच्या नागरिकांनी सतर्कता बाळगावी, असे आवाहन तहसीलदार सचिन लंगुटे यांनी केले आहे.

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

पुतीन डिसेंबर महिन्यात हिंदुस्थान दौऱ्यावर पुतीन डिसेंबर महिन्यात हिंदुस्थान दौऱ्यावर
अमेरिकेचे अध्यक्ष डोनाल्ड ट्रम्प यांनी टॅरिफ लादल्याच्या पार्श्वभूमीवर रशियाचे अध्यक्ष व्लादिमीर पुतीन येत्या डिसेंबर महिन्यात हिंदुस्थान दौऱ्यावर येत आहेत. रशियन...
चंद्रकांतदादांच्या पंगतीला बसला मोक्कातील आरोपी, फोटो व्हायरल
मोईत्रा यांनी अमित शहांबद्दल केलेल्या वक्तव्यावरून वाद
आझाद मैदानात तगडा बंदोबस्त; पोलिसांच्या सुट्ट्या रद्द
 आरक्षण घेतल्याशिवाय मुंबईतून जाणार नाही! जरांगेंचा सरकारला आवाज… मला गोळ्या घाला, बलिदानाला तयार आहे!
सुदर्शन रेड्डी ‘मातोश्री’वर उद्धव ठाकरे यांच्याशी चर्चा; इंडिया आघाडीची उपराष्ट्रपती पदाच्या निवडणुकीसाठी मोर्चेबांधणी
रविवारी मेगा ब्लॉकमुळे होणार गणेशभक्तांचा खोळंबा