बिहारमध्ये मतदारयाद्यांची विशेष सखोल फेरतपासणी (Special Intensive Revision) वादंग सुरू आहे. त्यामुळे झारखंडमध्ये या प्रक्रियेविरोधात प्रस्ताव सादर होणार आहे. झारखंडमध्ये इंडिया आघाडीचे आमदार मतदारयाद्यांची विशेष सखोल फेरतपासणी (SIR) विरोधात प्रस्ताव सादर करणार आहेत.
या प्रस्तावावर अधिवेशनात चर्चा होईल. विरोधकांनी उपस्थित केलेल्या प्रश्नांना तार्किक उत्तरं दिली जातील असेही इंडिया आघाडीने ठरवलं आहे. शुक्रवारपासून पावसाळी अधिवेशन सुरू होणार असून 7 ऑगस्टला संपणार आहे. पाच दिवस हे अधिवेशन चालणार आहे.
गुरुवारी इंडिया आघाडीची बैठक झाली. मुख्यमंत्री हेमंत सोरेन म्हणाले की, या बैठकीत अनेक मुद्द्यांवर चर्चा झाली, ज्यामध्ये बिहारमधील SIR प्रकरणाचाही समावेश होता. INDIA आघाडी निवडणूक आयोगाच्या निर्णयाच्या विरोधात आहे आणि आम्ही याचा निषेध करतो,” असेही सोरेन म्हणाले.
अधिवेशनादरम्यान विधानसभा SIR प्रकरणाच्या विरोधात ठराव मंजूर करण्याचा निर्णय घेण्यात आला आहे अशी माहिती संसदीय कामकाज मंत्री राधाकृष्ण किशोर यांनी दिली. मुख्य विरोधी पक्ष असलेल्या भाजपकडून पावसाळी अधिवेशनासाठी त्यांची रणनीती ठरवण्यासाठी शुक्रवारी विधिमंडळ पक्षाची बैठक घेण्यात येणार आहे. याआधी, सभापती रवींद्रनाथ महतो यांनी सर्वपक्षीय बैठक घेऊन अधिवेशन सुरळीत व यशस्वी पार पाडण्यासाठी सर्व सदस्यांकडून सहकार्याची अपेक्षा व्यक्त केली.
Comment List