शिवसेनेने मुसळधार पावसातही विद्यार्थी-पालकांसाठी घेतले विशेष दाखले शिबीर; शेकडो विद्यार्थ्यांना लाभ

शिवसेना नेते, दक्षिण-मध्य मुंबईचे खासदार अनिल देसाई यांच्या माध्यमातून शिवसेना विभागप्रमुख प्रमोद शिंदे यांच्या प्रयत्नातून व नेतृत्वाखाली मुलुंड तहसीलदार कार्यालय कुर्ला विभागाच्या सहकार्याने अणुशक्तीनगर व चेंबूर येथे सलग तीन दिवस विद्यार्थी आणि पालकासाठी विशेष दाखले शिबिराचे आयोजन करण्यात आले होते. मुसळधार पावसातही शिवसैनिकांनी यशस्वीपणे या शिबिराचे आयोजन पेले. त्यामुळे शेकडो विद्यार्थ्यांना याचा लाभ घेता आला.

मुलुंड तहसीलदार यांच्या वतीने सलग तीन दिवस तलाठी व सेवा केंद्राच्या कर्मचाऱयांची नेमणूक करण्यात आली होती. माजी नगरसेविका व विधानसभा प्रमुख निधी शिंदे, विधानसभा संघटक महेंद्र नाकटे, शाखाप्रमुख विजय भोईर, अविनाश शेवाळे यांनी आपल्या सहकारी पदाधिकारी व शिवसैनिक यांच्या सहकार्याने शिबीर यशस्वी करण्यासाठी मोलाची कामगिरी बजावली. खासदार प्रतिनिधी विजय सागवेकर व रूपेश मढवी यांनी समन्वय साधला. शाखाप्रमुख किरण म्हात्रे, गणेश पाटील, सचिन भोसले, अशोक वीर, उमेश करकेरा, संदीप वेताळे, मनोहर नायडू, राजेश दौंडकर, विशाल उगले, महिला शाखा संघटक दक्षता पाताडे, दुर्गा ढगे, अक्षता विचारे, मनीषा मोकल, मंदा फुले यांनी नागरिकांना सहकार्य केले. माजी आमदार प्रकाश फातर्पेकर, महिला विभाग संघटक पद्मावती शिंदे, विधानसभा प्रमुख रुक्मिणी भोसले, विधानसभा संघटक नीलम डोळस, उपविभागप्रमुख किरण लोहार, अमित शिंदे, प्रशांत म्हात्रे, संजय मोरे, आनंद नलावडे, चारुदत्त कोळी, अमोल कोकरे, दीपेश चव्हाण, वैभव जाधव, रूपेश गावकर, सुनील मोहोळकर, राकेश बनसोडे, विकास भोसले, प्रमोद कोकमकर, रोहिणी नाकटे, छाया साळुंखे, रेखा पाटकर, अनिता मोरे उपस्थित होते.

n विद्यार्थ्यांना महाविद्यालयात तर बरोबर सर्वसामान्यांना सरकारी योजनांचा लाभ घेण्यासाठी अनेक दाखले लागतात. एकाच छताखाली एकाच वेळी उत्पन्नाचा दाखला, राष्ट्रीय अधिवास दाखला, स्थानिक वास्तव्याचा दाखला आणि ज्येष्ठ नागरिक प्रमाणपत्र ही महत्त्वाची सरकारी कागदपत्रे मिळावीत यासाठी विशेष दाखले शिबिराचे आयोजन करण्यात आले होते.