Mumbai News – नाल्यात पडलेल्या मुलीला वाचवले पण स्वतःचा जीव गमावला; घाटकोपरमध्ये तरुणाचा दुर्देवी अंत

मुंबईतील घाटकोपरमध्ये एक हृदयद्रावक घटना घडली आहे. नाल्यात पडलेल्या मुलीला वाचवायला गेलेल्या तरुणाचा नाल्यात बुडून मृत्यू झाला. शहजाद शेख असे मयत तरुणाचे नाव आहे. पोलिसांनी आकस्मिक मृत्यूची नोंद केली आहे.

घाटकोपरमधील रमाबाई नगर परिसरात रविवारी दुपारी आठ वर्षाची मुलगी नाल्यात पडलेला बॉल घेण्यासाठी नाल्यात गेली आणि अडकली. शेखच्या ही बाब लक्षात येताच त्याने क्षणाचाही विचार न करता नाल्यात उतरुन मुलीला सुखरुप वाचवले. मात्र नाल्यातील गाळ आणि घाणीत तो अडकला.

आसपासच्या लोकांच्या ही बाब लक्षात येताच ते नाल्याजवळ धावले. मात्र शेख गाळात आतमध्ये रुतत गेला. घटनेची माहिती मिळताच अग्नीशमन दलाने तात्काळ घटनास्थळी धाव घेत अथक प्रयत्नाने शेखला बाहेर काढून रुग्णालयात नेले. मात्र डॉक्टरांनी त्याला मृत घोषित केले. या घटनेमुळे शेखच्या कुटुंबीयांवर शोककळा पसरली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.