हिंदुस्थानने पाकिस्तानला गुरुवारी रात्री केलेल्या हल्ल्यात त्यांच्याच भाषेत योग्य उत्तर दिले. जम्मू, पठाणकोट, उधमपूर आणि इतर काही ठिकाणी लष्करी तळांवर हल्ला करण्याचा पाकिस्तानी सैन्याचा प्रयत्न, तिन्ही सैन्यदलांनी एकत्रितपणे हाणून पाडला आहे. पाकिस्तानच्या पंजाबमध्ये एअरबोर्न वॉर्निंग अँड कंट्रोल सिस्टम (AWACS) विमानही पाडले. या एकाच मोठ्या हल्ल्यामुळे पाकिस्तानच्या हवाई देखरेख आणि युद्धभूमीच्या क्षमतेला मोठा धक्का बसला आहे. इस्लामाबादच्या AWACS विमानाच्या विध्वंसामुळे पाकिस्तानवर नेमका कसा आणि काय परिणाम झालाय तो आपण समजून घेऊया.
सर्वात आधी AWACS विमाने काय करतात हे समजून घेऊया.
अलिकडच्या काळात जेव्हा एखाद्या देशाच्या लष्करी सामर्थ्याची चर्चा होते तेव्हा ड्रोन, बॉम्ब आणि क्षेपणास्त्रे बातम्यांच्या मथळ्यांमध्ये वर्चस्व गाजवतात. परंतु यापैकी, AWACS विमान देशाच्या हवाई दलासाठी चक्षु म्हणून काम करते.
AWACS प्रणाली रिअल टाइममध्ये देखरेख करतात आणि कोणत्याही लष्करी कारवाई दरम्यान समन्वयासाठी अत्यंत महत्त्वाच्या असतात. हवेत तरंगत असताना, ते लष्कर, नौदल आणि हवाई दलाला देशात पुढे काय चालले आहे आणि हल्ला कुठे केला जाऊ शकतो हे सांगते. हवेतून हवेत युद्ध करण्यासाठी आणि आपल्या आकाशाचे रक्षण करण्यासाठी AWACS प्रणाली खूप महत्त्वाची आहे. त्याच्या मदतीने पाकिस्तान भारताच्या हवाई हल्ल्यांवर लक्ष ठेवतो आणि आपल्या हवाई दलाला मार्गदर्शन करतो.
Comment List