महाराष्ट्राच्या दोन्ही खो-खो संघांची आगेकूच

गतविजेत्या महाराष्ट्राच्या मुली व मुले या दोन्ही खो-खो संघांनी आपल्या लौकिकास साजेसा खेळ करीत प्रतिस्पर्धी संघांचा धुव्वा उडवित सातव्या खेलो इंडिया युवा क्रीडा स्पर्धेत दुसऱ्या विजयासह आगेपूच केली. मुलींच्या विभागात महाराष्ट्राने यजमान बिहारचा 61-15 असा 46 गुणांची धुव्वा उडवित दणदणीत विजय मिळविला. अमृती पाटील हिने 10 खेळाडू टिपत सर्वाधिक 20 गुणांची कमाई केली. प्रीती ढाकर्गे हिने पहिल्या डावात नाबाद 1 मिनिटे 20 सेकंद, तर दुसऱया डावात 3 मिनिटे 40 सेकंद पळती केली. शिवाय आक्रमणातही 8 गुणांची कमाई करीत अष्टपैलू खेळ केला. मैथेली पोवार हिनेही संरक्षणात नाबाद 2 मिनिटे 40 सेकंद पळती करत आक्रमणातही 4 गुण मिळवित अष्टपैलू चमक दाखवली. श्रद्धा नागदिवे हिने आक्रमणात 8 गुणांची कमाई केली. बिहारकडून शृती सिंग (नाबाद 1.20 सेकंद पळती व आक्रमणात 2 गुण) व अनमोल कुमारी (आक्रमणात 4 गुण) यांनीची काय तो थोडाफार प्रतिकार केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.