धावणे आणि चालणे हे आपले शरीर निरोगी ठेवण्याचा सर्वात सोपा आणि प्रभावी उपाय आहे. दररोज व्यायाम केल्याने रक्ताभिसरण सुधारते. यामुळे आपले हृदय मजबूत होते आणि रोगप्रतिकारक शक्ती देखील सक्रिय राहते. सकाळी करण्यात येणारा व्यायाम हा केवळ तुमचे वजन नियंत्रित करण्यास मदत करत नाही तर तुमच्या रक्तातील साखर आणि कोलेस्टेरॉलची पातळी देखील नियंत्रित ठेवते. सकाळच्या ताज्या हवेत चालणे मनाला ताजेतवाने करते, ताण कमी करते आणि दिवसभर ऊर्जा राखते. शिवाय, शरीरातील ऑक्सिजनची पातळी वाढल्याने थकवा कमी होतो आणि झोपेची गुणवत्ता सुधारते. धावणे किंवा चालणे हे शरीर सक्रिय आणि निरोगी ठेवण्यासाठी एक उत्तम मार्ग आहे.
थंडीत मधुमेहींनी काय खबरदारी घ्यायला हवी, वाचा
हिवाळ्यात तापमान कमी असल्याने, शरीराचे तापमान देखील कमी होते. यामुळे स्नायू कडक होऊ शकतात आणि दुखापतीचा धोका वाढू शकतो. म्हणून वॉर्म अप न करता धावणे किंवा चालणे हानिकारक असू शकते. शिवाय, थंड हवा आणि प्रदूषणामुळे श्वास घेण्यास त्रास होऊ शकतो.
हिवाळ्यात सकाळी धावण्यासाठी किंवा चालण्यासाठी जात असाल तर, तुमच्या शरीराचे तापमान सामान्य करण्यासाठी आणि तुमचे स्नायू लवचिक ठेवण्यासाठी प्रथम वॉर्म अप करा. बाहेर जाण्यापूर्वी हलके उबदार कपडे घाला आणि थंड वाऱ्यापासून स्वतःचे रक्षण करण्यासाठी तुमचे कान, डोके आणि हात झाकून घ्या. हवा खूप थंड किंवा धुके असेल, तर थोड्या उशिरा म्हणजे सूर्योदयानंतर चालायला सुरुवात करा.
रात्री दात घासण्याचे अगणित फायदे, वाचा सविस्तर
सर्दी किंवा श्वसनाच्या समस्या असलेल्या लोकांनी घरी खोल श्वास घेण्याचे व्यायाम करावेत किंवा डॉक्टरांचा सल्ला घेतल्यानंतरच बाहेर फिरावेत. प्रदूषण टाळण्यासाठी मास्क घालणे आवश्यक आहे आणि धावल्यानंतर कपडे बदलण्यापूर्वी तुमचे शरीर ५-१० मिनिटे थंड होऊ द्या. या सोप्या टिप्स थंडीत चालणे किंवा धावणे सुरक्षित आणि फायदेशीर बनवू शकतात.
हे लक्षात ठेवा
अत्यंत थंडीत रिकाम्या पोटी चालणे किंवा धावणे करू नका.
सूर्योदयानंतर व्यायाम करणे चांगले.
श्वसनाच्या समस्या असलेल्या लोकांनी चालणे किंवा धावण्यापूर्वी डॉक्टरांचा सल्ला घ्यावा.
चालल्यानंतर हलके स्ट्रेचिंग करायला विसरू नका.
शरीर हायड्रेट ठेवण्यासाठी भरपूर पाणी प्या.
व्यायामानंतर पौष्टिक आहार घ्या.
Comment List