Ukraine Drone Attack – रशियाच्या दोन एअरबेसवर युक्रेनचा ड्रोन हल्ला, 40 विमाने नष्ट केल्याचा दावा

युक्रेनने रशियाच्या दोन महत्त्वाच्या हवाई तळांवर रविवारी ड्रोन हल्ला केला. युक्रेनियन सैन्याने रशियावर केलेला आतापर्यंतचा हा सर्वात मोठा हल्ला आहे. या हल्ल्यात 40 हून अधिक रशियन बॉम्बर जेट्सचे नुकसान झाले आहे. ओलेन्या आणि बेलाया दोन एअरबेसवर हा हल्ला करण्यात आला.

मिळालेल्या माहितीनुसार, युक्रेनने केलेल्या मोठ्या ड्रोन हल्ल्यानंतर, ओलेन्या एअरबेसवर अनेक रशियन स्ट्रॅटेजिक बॉम्बर्सना आग लागली आहे. युक्रेनचे ड्रोन रशियन हद्दीत दूरवर जाण्यात आणि Tu-95, Tu-22 तसेच महागड्या आणि दुर्मिळ A-50 विमानांना नुकसान पोहोचवण्यात यशस्वी झाल्याचे युक्रेन सुरक्षा सेवा (एसबीयू)च्या अधिकाऱ्याने सांगितले. ही विमाने रशियासाठी खूप महत्त्वाची आहेत.

रशियातील इर्कुत्स्कच्या दुर्गम भागात असलेल्या “बेलाया” हवाई तळावर हा हल्ला झाला असून “ओलेन्या” हवाई तळावरही आग लागल्याचे एसबीयूने म्हटले आहे. मात्र अद्याप याची अधिकृत पुष्टी झालेली नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.