अवकाळी पावसामुळे मुंबईची हवा सुधारली! वरळी, शिवडी, मुलुंडमध्ये सर्वोत्तम

मुंबईत मागील काही दिवसांपासून उष्ण आणि धुरकट वातावरण होते. त्यानंतर अचानक झालेल्या अवकाळी पावसामुळे मुंबईतील हवेच्या गुणवत्तेत लक्षणीय सुधारणा झाली आहे. शनिवारी मुंबईच्या हवा गुणवत्तेची श्रेणी ‘समाधानकारक’ नोंदली गेली.

मुंबईचा हवा निर्देशांक 56 इतका म्हणजेच ‘समाधानकारक’ श्रेणीत नोंदला गेला. मागील काही दिवसांपासून मुंबईची हवा गुणवत्ता प्रामुख्याने ‘मध्यम’ श्रेणीत नोंदली जात होती. गेल्या तीन दिवसांपासून मुंबईत पडलेल्या पावसामुळे हवेतील प्रदूषण कमी झाले, धूळ आणि सूक्ष्म कण खाली बसले आणि हवेतील ओलसरपणा वाढल्याने हवेतील गुणवत्तेत सुधारणा झाल्याचे दिसून येत आहे.

असा होता हवा गुणवत्ता निर्देशांक
वरळी 46, कुलाबा 61, शिवडी 43, भायखळा 37, मुलुंड 34, बोरिवली 60, चेंबूर 55, घाटकोपर 55, अंधेरी 62, वांद्रे 63, शीव 61, कुर्ला 63… या भागांत दिवसभर हवेची गुणवत्ता ‘चांगली’ होती.

गोवंडी-शिवाजी नगर येथील हवा गुणवत्ता ‘मध्यम’ श्रेणीत नोंदली गेली. तेथे निर्देशांक 100 च्या पुढे होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.