जम्मू-कश्मीरच्या डोडा जिल्ह्यात ढगफुटी झाली आहे. थाथरी उपमंडळामध्ये अति मुसळधार पावसामुळे हाहाकार उडाला आहे. मुसळधार पावसामुळे नद्यांना महापूर आला असून यात 10 घरं वाहून गेली आहेत. या नैसर्गिक आपत्तीमध्ये 4 जणांचा मृत्यू झाल्याचे वृत्त ‘आज तक‘ने दिले आहे.
डोंगरावरून अचानक वाहून आलेल्या दगड, धोंडे, चिखलामुळे मोठी वित्तहानी झाली असून स्थानिकांमध्ये भीतीचे वातावरण निर्माण झाले आहे. चिनाब नदीनेही धोक्याची पातळी गाठली असून नदीकाठच्या गावांना सतर्कतेचा इशारा देण्यात आला आहे. पूरग्रस्त भागामध्ये मदत आणि बचाव कार्य युद्धपातळीवर सुरू आहे.
डोडा जिल्ह्यामध्ये मुसळधार पाऊस कोसळत आहे. काही भागामध्ये ढगफुटी झाल्याने चिनाब नदीच्या पाणी पातळीमध्ये वाढ झाली आहे. नदीने धोक्याची पातळी वाढली असून काही घरं वाहून गेली आहेत. याबाबत जम्मू-कश्मीरचे उपायुक्त हरविंदर सिंग यांनी माध्यमांशी बोलताना सविस्तर माहिती दिली.
Comment List