छोट्या पडद्यावर अनेक वेगवेगळे रिअॅलिटी शो येत असतात. नुकताच अभिनेता एजाज खानचा ‘हाऊस अरेस्ट’ हा शो प्रदर्शित झाला आहे. या शोमुळे मोठा वाद निर्माण झाला आहे. शोमधीस कंटेंट सोशल मीडियावर व्हायरल झाला असून कारवाईची मागणी होत आहे. ओटीटी प्लॅटफॉर्म उल्लू अॅपवर स्ट्रीम झालेल्या या शोबाबत झारखंडच्या गोड्डा येथील भाजप खासदार निशिकांत दुबे यांनीही आक्षेप नोंदवला आहे. त्यांनी सोशल मीडिया एक्स अकाऊंटवर माहिती व प्रसारण मंत्रालयाला टॅग करत इशारा दिला आहे.
निशिकांत दुबे यांनी ‘हाऊस अरेस्ट’ या शोवर जोरदार टीका केली आहे. ते म्हणाले, “हे चालणार नाही, आमची समिती यावर कारवाई करेल.” शोच्या कंटेंटवरून वाद सुरू असताना एजाज खानने सोशल मीडिया प्लॅटफॉर्मवर अनेक पोस्ट केल्या आहेत. त्याने एक मे रोजी एक्सवर लिहिले, “खेळ खेळायचा असेल तर आपसात खेळा, माझ्याशी खेळू नका.”
— Dr Nishikant Dubey (@nishikant_dubey) May 1, 2025
त्याने दुसऱ्या पोस्टमध्ये व्हिडिओ शेअर करत म्हटले, “मी शांतपणे आलो, स्वत:ची ओळख निर्माण केली आणि उद्देशाने पुढे गेलो. प्रत्येक अपयशाने मला अधिक मजबूत बनवले. प्रत्येक अपयशाचा जोमाने सामना केला. मी लाइक्ससाठी फ्लेक्स करत नाही – मी नेतृत्व करण्यासाठी जगतो.”
पुढे तो म्हणाला, “निष्ठा हा माझा कोड आहे, सन्मान कमवावा लागतो, आणि भीती? ती त्यांच्यासाठी आहे ज्यांनी कधी एकट्याने उभे राहण्याची हिंमत केली नाही. मी फक्त जगत नाही… मी खेळ पुन्हा लिहित आहे.”
सध्या सोशल मीडियावर देखील या शोची जोरदार चर्चा सुरु आहे. या शोवर नेटकऱ्यांनी देखील संताप व्यक्त केला आहे. एका यूजरने शोचा कंटेन्ट पाहून, ‘शोच्या नावाखाली मुलींना कपडे काढायला लावता’ असे म्हणत सुनावले आहे. तर दुसऱ्या यूजर्सने हा शो तातडीने बंद करा असे म्हटले आहे. एका यूजरने हे आपल्या संस्कृतीमध्ये नाही असे म्हटले आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
सार्वजनिक आरोग्य विभागाच्या अधिपत्याखाली असलेली राज्यातील सर्व सिव्हील रुग्णालये, मनोरुग्णालये आणि विमा योजना रुग्णालयांतील चतुर्थश्रेणी कर्मचारी वर्षानुवर्षे प्रलंबित मागण्यांसाठी प्रचंड...
Comment List