स्लीपर वंदे भारतची चाचणी सध्या सुरू असून कोटा येथील स्लीपर वंदे भारत ताशी 180 किमी वेगाने धावण्यात यशस्वी ठरली आहे. ही ट्रेन स्वदेशी तंत्रज्ञानाने बनवली असून या ट्रेनची चाचणी 2 ते 17 नोव्हेंबरपर्यंत घेण्यात येत आहे. या चाचण्यांमधून ट्रेनची तांत्रिक कार्यक्षमता, ब्रेकिंग, स्थिरता आणि विद्युत सिस्टमची तपासणी केली जात आहे. या ट्रेनच्या सवाई माधोपूर-कोटा-नागदा मार्गावर चाचण्या घेतल्या जात आहेत. 16 डब्यांची ही ट्रेन ताशी 180 किलोमीटर वेगाने चालवली जात आहे. शिवाय 800 टन रॅक लोड आणि अतिरिक्त 108 टन लोडसह या ट्रेनची चाचणी केली जात आहे. 10 सदस्यांची टीम चाचण्यांवर देखरेख करत आहे.
ट्रेनमध्ये 3 एसी कोच
वंदे भारत स्लीपर ट्रेनमध्ये प्रवाशांसाठी फर्स्ट एसी, सेकंड एसी आणि थर्ड एसी कोच असतील. फर्स्ट एसीमध्ये 24 बर्थ, सेकंड एसीमध्ये 47 बर्थ आणि थर्ड एसीमध्ये 72 बर्थ असतील. एकूण 16 कोचमध्ये 1,128 बर्थ असतील. यापैकी 24 बर्थ कर्मचाऱ्यांसाठी राखीव असतील.
Comment List