सोन्याने भाव खाल्ल्याने हलक्या वजनाच्या दागिन्यांना पसंती, मुंबईत 100 टन सोन्याची उलाढाल

24 कॅरेट सोन्याचा दर प्रतितोळा 1 लाख 15 हजारांवर गेला असतानाही साडेतीन मुहूर्तांपैकी एक असलेल्या दसऱयाला ग्राहकांनी खरेदीचा मुहूर्त साधला. मात्र चढे दर पाहता ग्राहकांनी हलक्या वजनाच्या दागिन्यांना पसंती दिली. मुंबई सराफा बाजारात सुमारे 100 टन सोन्याची उलाढाल झाली.

सोन्याच्या दराने लाखाचा आकडा कधीच पार केला आहे. दसऱयाच्या पूर्वसंध्येला सोन्याच्या दराने उच्चांक गाठला. दसऱयाच्या दिवशीही दर खाली आले नव्हते. चांदीचा भाव किलोमागे 1 लाख 47 हजार रुपयांपेक्षा अधिक होता.

z जुने सोने बदलून नवीन सोने खरेदी करण्याकडेही ग्राहकांचा कल दिसून आला. चांदीची खरेदी अधिक झाली.

z दुपारनंतर ग्राहकांनी चांगली खरेदी केली. ग्राहकांनी नाणे तसेच हलक्या वजनाचे दागिने म्हणजे मंगळसूत्र, कानातले, अंगठय़ा यांची खरेदी केली. मोठय़ा खरेदीला काहीसा आवर घातला. त्यामुळे सोने खरेदीत अंदाजे 20 टक्के घट दिसून आली, असे ज्वेलर्स आनंद पेडणेकर यांनी सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.