10 रुपयांत गणवेशची विक्री, पाकव्याप्त कश्मीरात सैन्याची उडवली खिल्ली

पाकव्याप्त कश्मीरमध्ये काही दिवसांपासून पाकिस्तान सरकारविरोधात निदर्शने सुरू आहेत. शेकडो लोक रस्त्यावर उतरून गोंधळ घालत आहेत. तिथली परिस्थिती भयावह आहे. पाकिस्तानी सैन्याने त्यांच्यावर गोळीबार केला आहे, पण तरीही निदर्शने सुरूच आहेत. लोक मागे हटायला तयार नाहीत. अशा गदारोळात निदर्शक पाकिस्तानी लष्कराची खिल्ली उडवत आहेत. पाकिस्तानी लष्कराचा गणवेश, हेल्मेट आणि इतर उपकरणे फक्त 10 रुपयांना विकली जात असल्याचा एक व्हिडीओ व्हायरल होतोय. ज्या भागात निदर्शने सुरू आहेत, तेथील हा व्हिडीओ आहे. व्हिडीओच्या माध्यमातून पाकिस्तानी लष्कराला अपमानित करण्याचा प्रकार घडत आहे.

पाकिस्तानच्या पीओकेमध्ये सुरू असलेल्या निदर्शनांनी पाकिस्तानातील शाहबाज सरकारला हादरवून सोडले आहे. निदर्शक 38 मागण्यांवर ठाम आहेत, यामध्ये पीओके विधानसभेत पाकिस्तानात राहणाऱ्या कश्मिरी निर्वासितांसाठी राखीव असलेल्या 12 जागा रद्द करणे समावेश आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.