इथिओपियामध्ये ज्वालामुखीचा उद्रेक, इंडिगोने UAE जाणाऱ्या विमानाचा बदलला मार्ग
इथिओपियामध्ये १०,००० वर्षांनंतर ज्वालामुखीचा मोठा उद्रेक झाला आहे. यामुळे युएईला कण्र्या इंडिगो विमानाचे मार्ग बदलावे लागले. स्थानिक वृत्तानुसार, ज्वालामुखीचा उद्रेक आता थांबला आहे, परंतु त्यातून बाहेर पडणारा प्रचंड राखेचा थर वातावरणात १५ किलोमीटर उंचीवर पोहोचला आहे आणि तो लाल समुद्रातून येमेन आणि ओमानकडे पसरत आहे.
खलीज टाईम्सच्या वृत्तानुसार, इथिओपियाच्या अफार प्रदेशातील निष्क्रिय ज्वालामुखी हेले गुब्बीचा इतिहासात पहिल्यांदाच इतक्या स्फोटक वेगाने उद्रेक झाला आहे. या उद्रेकाचा सर्वात मोठा परिणाम विमान वाहतुकीवर झाला आहे. युएईकडे (अबू धाबी) जाणाऱ्या इंडिगोच्या फ्लाइट ६ई १४३३ चा (कन्नूर ते अबू धाबी) मार्ग सोमवारी बदलावा लागला. राखेमुळे विमानाचे इंजिन धोक्यात येऊ शकते, म्हणून ते अहमदाबाद विमानतळावर वळवण्यात आले. इतर काही विमानांना देखील मार्ग बदलावा लागला असून याचा प्रादेशिक हवाई वाहतुकीवर परिणाम होत आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List