काँग्रेसचे ज्येष्ठ नेते, कोल्हापूर जिल्हा काँग्रेसचे माजी अध्यक्ष आणि करवीर विधानसभा मतदारसंघांचे आमदार पांडुरंग निवृत्ती पाटील यांचे निधन झाले आहे. मृत्युसमयी ते 71 वर्षांचे होते. आमदार सतेज पाटील यांनी सोशल मीडियावर पोस्ट शेअर करत याबाबत माहिती दिली आहे.

P. N. Patil हे रविवारी बाथरूममध्ये पाय घसरून पडले होते. यामुळे त्यांच्या डोक्याला गंभीर दुखापत झाली होती. मेंदुमध्ये रक्तस्त्राव झाल्याने गेल्या चार दिवसांपासून त्यांच्यावर एका खासगी रुग्णालयातील अतिदक्षता विभागामध्ये उपचार सुरू होते. मात्र गुरुवारी पहाटे त्यांची प्राणज्योत मालवली. आमदार सतेज पाटील यांनी सोशल मीडियावर पोस्ट करत ही माहिती दिली आणि शोक व्यक्त केला.

“काँग्रेसचे निष्ठावंत, कोल्हापूर जिल्हा काँग्रेसचे माजी अध्यक्ष, करवीर विधानसभा मतदारसंघाचे आमदार पी. एन. पाटील यांच्या निधनाची वार्ता अत्यंत दुःखद आहे. त्यांना भावपूर्ण श्रद्धांजली. आम्ही त्यांच्या कुटुंबियांच्या दुःखात सहभागी आहोत. त्यांच्यासारख्या निष्ठावंत नेत्याच्या निधनामुळे काँग्रेसचे मोठे नुकसान झाले आहे. ईश्वर त्यांना सद्गती देवो व कुटुंबियांना दुःखातून सावरण्याचे बळ देवो”, अशी पोस्ट सतेज पाटील यांनी केली आहे.

काँग्रेसचे निष्ठावंत, कोल्हापूर जिल्हा काँग्रेसचे माजी अध्यक्ष, करवीर विधानसभा मतदारसंघाचे आमदार पी. एन. पाटील यांच्या निधनाची वार्ता अत्यंत दुःखद आहे. त्यांना भावपूर्ण श्रद्धांजली. आम्ही त्यांच्या कुटुंबियांच्या दुःखात सहभागी आहोत.

त्यांच्यासारख्या निष्ठावंत नेत्याच्या… pic.twitter.com/GJkdmm4txE

— Satej (Bunty) D. Patil (@satejp) May 23, 2024

दरम्यान, पी.एन. पाटील यांच्या पार्थिवावर गुरुवारी सकाळी 11 वाजता सडोली खालसा या त्यांच्या मूळ गावी अंत्यसंस्कार केले जाणरा आहेत. तत्पूर्वी सकाळी 10 वाजता त्यांचे पार्थिव अंत्यदर्शनासाठी कोल्हापूर काँग्रेस जिल्हा कमिटीच्या कार्यालयात ठेवण्यात येणार आहे.