Breaking : डोंबिवली MIDC तील एका कंपनीत भीषण स्फोट, 5 ते 6 कामगार जखमी

ठाणे जिल्ह्यातील डोंबिवली एमआयडीसीतील परिसरात एका कंपनीत भीषण स्फोट झाला आहे. यामुळे आजूबाजूचा परिसर हादरला असून आसपासच्या अन्य दोन ते तीन कंपन्यांना देखील आगीची झळ पोहोचल्याचं कळत आहे. मिळालेल्या माहितीनुसार परिसरातील रहिवासी इमारतींच्या काचा फुटल्या आहेत. या घटनेत कंपनीतील पाच ते सहा कामगार गंभीर जखमी झाले आहेत तर परिसरातील काही नागरिकांना देखील काचा फुटून जखमा झाल्या आहेत. या जखमींचा निश्चित आकडा अद्याप कळालेला नाही.

पावणे दोनच्या सुमारास डोंबिवली एमआयडीसी फेस दोन मधील अंबर केमिकल कंपनीमध्ये ब्लास्ट झाल्याची माहिती मिळत आहे. या घटनेत पाच ते सहा कामगार जखमी झाल्याची प्राथमिक माहिती समोर आली आहे. डोंबिवली अग्निशामक दलाचे बंब घटनास्थळी दाखल झाले आहेत.

डोंबिवली MIDC तील केमिकल कंपनीत भीषण स्फोट, परिसर हादरला; पाच ते सहा कामगार जखमी pic.twitter.com/MbblgYbCIa

— Saamana (@SaamanaOnline) May 23, 2024

दरम्यान, या घटनेमुळे प्रोबेस कंपनीच्या भीषण स्फोटाची आठवण डोंबिवलीकरांना झाली आहे. या स्फोटात प्रंचड नुकासान झालं होतं.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.