पिंपळे सौदागर - News Express Marathi

पिंपरी-चिंचवडमध्ये उन्नती सोशल फाऊंडेशन तर्फे १००० वृक्षांचे वाटप

Manisha Thorat- Pisal — Mon, 06 Apr 2026 12:20:04 +0530

पिंपरी : चिंचवड विधानसभेचे कार्यसम्राट आमदार शंकर जगताप यांच्या वाढदिवसानिमित्त उन्नती सोशल फाउंडेशनच्या वतीने पर्यावरणपूरक असा अभिनव व समाजाभिमुख उपक्रम राबविण्यात आला. या उपक्रमांतर्गत पिंपळे सौदागर परिसरात नागरिकांना १००० वृक्षांचे मोफत वाटप करण्यात आले.

वाढदिवसाचे औचित्य साधत समाजासाठी काहीतरी सकारात्मक व शाश्वत योगदान देण्याच्या उद्देशाने आयोजित या उपक्रमातून “एक व्यक्ती – एक वृक्ष” ही संकल्पना प्रभावीपणे राबविण्यात आली. वाढत्या PCMC नागरीकरणामुळे कमी होत चाललेले हरित क्षेत्र लक्षात घेता पर्यावरण संवर्धनाची गरज अधोरेखित करण्यात आली. प्रत्येक नागरिकाने किमान एक वृक्ष लावून त्याचे संगोपन करावे, असा संदेश या उपक्रमातून देण्यात आला.

या उपक्रमाबाबत प्रतिक्रिया देताना उन्नती सोशल फाउंडेशनचे संस्थापक संजय भिसे म्हणाले की, “आमदार शंकर भाऊ जगताप हे केवळ लोकप्रतिनिधी नसून जनतेच्या प्रत्येक प्रश्नासाठी सातत्याने झटणारे कार्यसम्राट आहेत. त्यांच्या कार्यपद्धतीत समाजहिताला नेहमीच प्राधान्य असते. त्यांच्या वाढदिवसानिमित्त आम्ही वृक्ष वाटपासारखा उपक्रम राबवून त्यांच्या कार्याला साजेसा आणि समाजासाठी उपयुक्त संदेश देण्याचा प्रयत्न केला आहे. आज लावलेला प्रत्येक वृक्ष हा भविष्यातील पर्यावरणाचा मजबूत पाया ठरेल.”

तसेच उन्नती सोशल फाउंडेशनच्या अध्यक्षा तथा पिंपरी चिंचवड महानगरपालिकेच्या नगरसेविका डॉ. कुंदा संजय भिसे यांनी आपल्या प्रतिक्रियेत सांगितले की, “आमदार शंकर जगताप यांची काम करण्याची धडाडी, जनसंपर्क आणि विकासाभिमुख दृष्टी ही खरोखर प्रेरणादायी आहे. त्यांच्या नेतृत्वाखाली चिंचवड विधानसभा मतदारसंघात विविध विकासकामांना गती मिळाली आहे. त्यांच्याच प्रेरणेतून आम्ही हा पर्यावरणपूरक उपक्रम राबविला. शहराचा विकास करताना पर्यावरणाचे संतुलन राखणे ही काळाची गरज आहे, आणि अशा उपक्रमांमधून नागरिकांमध्ये जागरूकता निर्माण होणे अत्यंत महत्त्वाचे आहे.”

या उपक्रमाद्वारे आमदार शंकर जगताप यांना ‘निसर्ग आरोग्यदायी शुभेच्छा’ देत पर्यावरण संवर्धनाचा संदेश व्यापक स्वरूपात समाजात पोहोचविण्यात आला. सदर उपक्रमास नागरिकांचा उत्स्फूर्त प्रतिसाद लाभला असून, पर्यावरण रक्षणाच्या दिशेने उचललेले हे पाऊल समाजासाठी प्रेरणादायी ठरत आहे.

याप्रसंगी उन्नती सोशल फाऊंडेशनचे संस्थापक संजय भिसे, उन्नती फाउंडेशन सभासद, ऑल सिनियर सिटीझन असोसिएशन, लिनियर गार्डन जेष्ठ नागरिक संघ, आनंद हास्य क्लब, विठाई वाचनालय, यांच्यासह पिंपळे सौदागर , रहाटणी मधील विविध सामाजिक संस्थांचे प्रतिनिधी, ज्येष्ठ नागरिक व मोठ्या संख्येने उपस्थित होते.

पिंपळे सौदागर येथे लवकरच नवीन पोस्ट ॲाफीस कार्यालय सुरू होणार ; नाना काटे यांच्या पाठपुराव्यास यश

Manisha Thorat- Pisal — Tue, 22 Aug 2023 16:20:52 +0530

पिंपरी : रहाटणी पिंपळे सौदागर येथे लवकरच नविन पोस्ट ॲाफीस सुरू होणार असुन त्यासाठी भारतीय डाकघर विभाग व महापालिका यांनी देखील सकारात्मक प्रतिसाद देत पत्रव्यवहाराद्वारे तसे कळविले आहे.

नाना काटे यांनी पोस्ट ॲाफीस व महापालिका विभागा यांना दिलेल्या पत्रात असे नमुद केले की, प्रभाग क्र २८ रहाटणी पिंपळे सौदागर या प्रभागत ८० हजार ते १ लाख व त्यापेक्षा जास्त लेकसंख्या आहे, या परिसरात खासगी, व सरकारी शाळा, महाविद्यालये, तसेच संरक्षण विभागाचे कार्यालय, निवास्थान, सरकारी व खासगी बॅकाचे व आयटी पार्कचे कार्यालय आहेत. परिसरातील नागरिकांना पोस्ट ॲाफीस बाबत कामे करण्यासाठी,औधं किंवा पिंपरी, चिचवड च्या पोस्ट ॲाफीस मध्ये जावे लागत असल्याने नागरिकांना याचा त्रास व मोठी गैरसोय होत असल्याचे पोस्ट ॲाफीस विभाग व मनपा विभाग यांच्या निदर्शनास आणुन दिले होते, त्यासाठी रहाटणी पिपंळे सौदागर येथे नविन पोस्ट सुरू व्हावे, यासाठी २०१२ पासून पत्रव्यवहार देखील नाना काटे व शितल काटे यांनी वेळोवेळी पोस्ट ॲाफीस विभाग व महापालिका यांच्याकडे केला होता व सातत्याने प्रयत्न देखील करीत होते.

त्यांना नवीन पोस्ट ऑफिससाठी लागणारी महापालिकेची पर्यायी जागा देखील सुचविली होती त्याची पाहणी देखील मनपा व पोस्ट विभागाच्या अधिकारी वर्सोगाबत केली होती. त्याचेच यशप्राप्त म्हणुन त्यास अनुसरून पोस्ट ॲाफीस विभाग व महापालिका यांनी रहाटणी पिपंळे सौदागर येथे नविन सुरू करण्याच्या प्रशासकीय कामास सुरूवात करण्यात आली आहे तसे पत्राद्वारे देखील त्यांनी कळविले आहे. त्यामुळे रहाटणी पिपंळे सौदागर परिसरात नवीन पोस्ट ऑफिस सुरु होणार असल्याने नागरिकाची पोस्ट ॲाफीसची वणवण आता संपणार आहे.

पिंपळे सौदागर मधील गोविंद–यशदा चौक वाहतूक कोंडीतून मुक्त करण्यासाठी शत्रुघ्न काटे यांचा पुढाकार!

Manisha Thorat- Pisal — Mon, 21 Aug 2023 00:05:25 +0530

पिंपरी : पिंपळे सौदागर मधील गोविंद – यशदा चौक रोडवरील शेतकरी आठवडे बाजार हा गोविंद यशदा चौक लिनियर गार्डन लगतच्या सर्विस रोडवर स्थलांतरित करण्यात आलेला आहे. आठवडे बाजारमुळे नागरिकांना होणारी वाहतूक कोंडीची समस्या लक्षात घेत “माजी नगरसेवक शत्रुघ्न (बापु) काटे” यांनी हा निर्णय घेतला आहे.

यापुढे जे कोणी विक्रेता फुटपाथवर आपली गाडी लावेल त्यावर पालिका अतिक्रमण विभाग मार्फत सक्तीची कार्यवाही करण्यात येणार आहे. पिंपळे सौदागरमध्ये सर्वात प्रथम लोकांना थेट शेती माल आणि भाज्या मिळाव्यात ह्या उद्देशाने माजी नगरसेवक शत्रुघ्न काटे यांनी शेतकरी आठवडी बाजाराची सुरुवात केली. त्यानंतर ह्याच परिसरात वेगवेगळ्या ठिकाणी अनेक आठवडी बाजार सुरू झाले. सध्या पिंपळे सौदागर मध्ये ट्रॅफिकचा प्रश्न सर्वच ठिकाणी भेडसावत आहे. पिंपळे सौदागर परिसरात आयटीयन्स प्रमाण जास्त असल्याने मुख्यतः शनिवार आणि रविवारी नागरिक बाजारहाट करण्यासाठी मोठ्या संख्येने बाहेर पडतात. ज्याच्यामुळे रस्त्यावर रहदारीचे प्रमाण वाढते. यावर उपाय काढणे गरजेचे होते.

तसेच कठोर निर्णय घेणे अत्यावश्यक आहे म्हणून शत्रुघ्न काटे यांनी याची सुरुवात स्वतः पासून केली असून त्यांनी स्वतःहून सुरू केलेल्या शेतकरी आठवडे बाजार मुख्य रस्त्यापासून बाजूला घेऊन गोविंद यशदा चौकात होणारी वाहतूक कोंडीचा प्रश्न सोडविण्यासाठी पुढाकार घेतला आहे. आणि ह्यामुळे नक्कीच सर्व सामान्य नागरिकांना येथील प्रवास सोईस्कर होणार आहे. परिसरात सुरू असलेले इतर शेतकरी आठवडे बाजाराचे आयोजन करणाऱ्या प्रमुखांनी सुध्दा जर नगरसेवक शत्रुघ्न काटे यांच्या प्रमाणे पुढाकार घेत आपापले आठवडे बाजार जर मुख्य रहदारी असलेल्या ठिकाणापासून दुसरी कडे स्थलांतरित केले तर नक्कीच परिसरातील वाहतूक कोंडीच्या समस्येवर मात करता येईल. नगरसेवक शत्रुघ्न काटे यांनी उचललेल्या या पाऊलमुळे गोविंद चौक ते काटे पेट्रोल पंप या रस्तावर वाहतूक कोंडी राहणार नाही तसेच नागरिकांनी आपली वाहने पार्किंगला लावून सहकार्य करावे व आठवडे बाजाराचा लाभ घ्यावा असे आवाहनही केले आहे.