बॉलिवूडमध्ये अनेक कलाकार असे आहेत जे फार संघर्षाने आणि स्वत:च्या कष्टाने उभे राहिले आहेत. आपल्या अभिनयाने फिल्म इडस्ट्रीमध्ये आपली खास ओळख आणि जागा निर्माण केली आहे. यामध्ये असेही काही कलाकार आहेत ज्यांनी फार कमी वयात बॉलिवूडमध्ये नाव कमावलं आहे. आणि बरेच सुपरहिट चित्रपट आपल्या नावे करू घेतले आहेत. त्यातीलच एक अभिनेता असा आहे की ज्याने फारच कमी वयात आणि फार कमी काळातच बॉलिवूडमध्ये आपली खास ओळख निर्माण केली आहे.

आई लोकांच्या घरी धुणी-भांडी करायची

तसेच या अभिनेत्याने फार संघर्षातून आपलं विश्व उभं केलं आहे. त्याने एका मुलाखतीत त्याने केलेल्या संघर्षाबद्दल सांगितलं. एक काळ असा होता की या अभिनेत्याची आई लोकांच्या घरी धुणी-भांडी करायची. ती घरोघरी जाऊन काम करायची. आणि या अभिनेत्याने एका मुलाखतीत कोणतीही लाज न बाळगता अगदी अभिमानाने आपल्या आईबद्दल सांगितलं होतं. हा अभिनेता म्हणजे विशाल जेठवा.

वडील नारळ पाणी विकायचे

विशालने त्याच्या संघर्षाबद्दल बोलताना सांगितले की तो एका अतिशय साध्या गरीब कुटुंबातील होता. जिथे त्याची लोकांच्या घरी काम करायचीय. एवढंच नाही तर ती सुपरमार्केटमध्ये सॅनिटरी पॅड देखील विकत असे. त्याचे वडील नारळ पाणी विकायचे. या परिस्थितीतून आलेल्या या अभिनेत्याने आपल्या कष्टाने आपली खास ओळख निर्माण केली. आणि आपल्या आई-वडिलांच्या कष्टाचं चीज केलं.

कान्स फिल्म फेस्टिव्हलमध्ये आईला घेऊन थेट रेड कार्पेटवर

एवढंच नाही तर कान्स फिल्म फेस्टिव्हलमध्ये ‘होमबाउंड’ या चित्रपटातून पदार्पण करून त्याने सर्वांचे मन जिंकले. 2025 च्या कान्स फिल्म फेस्टिव्हलमध्ये ‘होमबाउंड’ या चित्रपटाचा प्रीमियर झाला जिथे प्रेक्षकांनी नऊ मिनिटे उभे राहून टाळ्यांच्या कडकडाटात त्याचे कौतुक केले. तो कान्समध्ये त्याच्या आईसह आला होता. त्याने आईला रेड कार्पेटवर आणून एक भावनिक उदाहरण सर्वांसमोर ठेवलं आहे.. यासोबतच, विशालने कान्समधील त्याच्या संस्मरणीय अनुभवही सांगितला.

 

View this post on Instagram

 

A post shared by Preeti Jethwa (@preetijethwa.06)

इंग्रजी बोलणे आणि तिथल्या हाय-प्रोफाइल गर्दीला घाबरला अभिनेता 

फिल्म फेस्टिव्हलमध्ये “होमबाउंड” या चित्रपटाद्वारे रेड कार्पेटवर विशालचं पदार्पण म्हणजे त्याच्या कारकिर्दीसाठीच नाही तर भारतीय चित्रपटसृष्टीसाठीही अभिमानाचा क्षण होता. शिवाय आईला कान्सला घेऊन जाणे हा त्याच्या आयुष्यातील एक भावनिक आणि प्रेरणादायी क्षण होता. विशालने मुलाखतीत सांगितलं की, तो कान्सला जाण्यापूर्वी इतका घाबरला होता की त्याला जाण्याचा विचारही सोडून द्यावासा वाटला. तो विशेषतः घाबरला होता कारण त्याला इंग्रजी बोलणे आणि तिथल्या हाय-प्रोफाइल गर्दीत सहज वाटत नव्हते.

कान्समध्ये चित्रपटाचा प्रीमियर 

‘होमबाउंड’ चित्रपटात त्याने साकारलेली भूमिका त्याच्या स्वतःच्या आयुष्यातील संघर्षांशी खोलवर जोडलेली आहे आणि त्याने त्याच्या भूतकाळातील समस्यांना अभिनयात रूपांतरित करून त्या पात्राला जिवंत केलं आहे. नीरज घायवान दिग्दर्शित या चित्रपटात करण जोहर, आदर पूनावाला, अपूर्व मेहता आणि सोमेन मिश्रा यांच्या भूमिका आहेत. या चित्रपटात ईशान खट्टर, विशाल जेठवा आणि जान्हवी कपूर मुख्य भूमिकेत आहेत.

टीव्ही अभिनेत्री दीपिका कक्कड बऱ्याच दिवसांपासून कॅन्सरशी लढा देत आहे. अनेकांनी तिला काळजी घेण्याचं आवाहन केलं होतं. आता तिची कॅन्सरची शस्त्रक्रिया झाली आहे. दीपिकाचे चाहते तिच्या प्रकृतीबद्दल खूप चिंतेत होते. जेव्हा शोएबने अभिनेत्रीची शस्त्रक्रिया कधी होणार आहे हे सांगितले तेव्हापासून चाहते तिच्यासाठी प्रार्थना करत होते. आता शोएब इब्राहिमने एक पोस्ट शेअर करून दीपिकाच्या शस्त्रक्रियेबद्दल माहिती दिली आहे. त्याने दीपिकाच्या आरोग्याची अपडेट दिली आहे.

इंस्टाग्रामवर पोस्ट करत शोएबने दिली दीपिकाच्या शस्त्रक्रियेबद्दल अपडेट

शोएब इब्राहिमने इंस्टाग्रामवर एक स्टोरी शेअर केली आहे आणि दीपिकाच्या शस्त्रक्रियेबद्दल अपडेट दिले आहे. त्याने पोस्ट शेअर करत लिहिले आहे की, “सर्वांना नमस्कार, मला माफ करा, काल रात्री मी तुम्हाला सर्वांना अपडेट देऊ शकलो नाही. ही खूप लांब शस्त्रक्रिया होती. ती 14 तास ओटीमध्ये होती. पण सर्व काही ठीक आहे. दीपी सध्या आयसीयूमध्ये आहे कारण तिला काही वेदना होत आहेत पण ती स्थिर आहे. तुमच्या सर्वांच्या प्रेमासाठी, प्रार्थनांसाठी आणि पाठिंब्यासाठी धन्यवाद. ती आयसीयूमधून बाहेर पडल्यानंतर मी तुम्हाला सर्वांना अपडेट देईन. पुन्हा एकदा धन्यवाद. तिला तुमच्या प्रार्थनेत ठेवा.” असं म्हणत त्याने चाहत्यांचे आभारही मानले.

शस्त्रक्रिया 14 तास चालली

सोमवारी, शोएबने सोशल मीडियावर एक पोस्ट शेअर केली ज्यामध्ये दीपिकावर मंगळवारी शस्त्रक्रिया होणार असल्याची माहिती त्याने दिली होती. शोएबने सांगितले होते की ही शस्त्रक्रिया बराच वेळ चालणार असल्याचं त्याने सांगितले होते. त्यानुसार ही शस्त्रक्रिया 14 तास चालली.

शस्त्रक्रिया झाल्यानंतर चाहत्यांना दीपिकाच्या तब्येतीची अपडेट जाणून घेण्याची उत्सुकता 

दीपिकाच्या यकृतात टेनिस बॉलच्या आकाराचा ट्यूमर होता. हा ट्यूमर दुसऱ्या टप्प्यातील कॅन्सर असल्याचं सांगितलं होतं. डॉक्टर तिच्या शस्त्रक्रियेची वाट पाहत होते पण दीपिकाला फ्लू झाला होता ज्यामुळे तिची शस्त्रक्रिया पुढे ढकलण्यात आली होती. शोएबने त्याच्या व्लॉगमध्ये दीपिकाच्या लिव्हरच्या ट्यूमरबद्दल सर्वप्रथम माहिती दिली. दीपिकाच्या कॅन्सरची माहिती मिळाल्यावर दीपिका देखील व्लॉगवर आली आणि चाहत्यांना तिच्या तब्येतीबद्दल सांगितले होते. पण आता तिची शस्त्रक्रिया झाल्यानंतर चाहत्यांना तिच्या तब्येतीची अपडेट जाणून घेण्याची नक्कीच उत्सुकता आहे.

दिग्दर्शक रोनो मुखर्जी यांच्या निधनानंतर मंगळवारी मुंबईत प्रार्थनासभा आयोजित करण्यात आली होती. यावेळी ज्येष्ठ अभिनेत्री जया बच्चन, त्यांची मुलगी श्वेता बच्चन आणि अभिनेत्री काजोल तिथे उपस्थित होत्या. ज्याठिकाणी या शोकसभेचं आयोजन करण्यात आलं होतं, तिथे काही पापाराझीसुद्धा सेलिब्रिटींचे फोटो आणि व्हिडीओ शूट करण्यासाठी पोहोचले होते. त्यांना पाहून जया बच्चन खूप चिडल्या होत्या. त्यांचा हा व्हिडीओ सध्या सोशल मीडियावर व्हायरल होत आहे. संतापलेल्या जया यांनी पापाराझींना थेट म्हटलं की, “या आता माझ्या गाडीतच बसा.” जया बच्चन या त्यांच्या तापट स्वभावासाठी ओळखल्या जातात. पापाराझींवर अशा पद्धतीने चिडण्याची त्यांची ही पहिलीच वेळ नाही.

रोनो मुखर्जी यांचा मुलगा सम्राट मुखर्जीसोबत पायऱ्या उतरत असताना जया यांच्याभोवती पापाराझी घोळका करतात. ते पाहून जया खूपच चिडतात आणि सम्राट यांना बंगालीत म्हणतात, “इदेर कानो डाको” (तू त्यांना का बोलावलंस?) त्यावर ते म्हणाले, “आमि डाकिनी” (मी त्यांना बोलावलं नाही). आणखी एका व्हिडीओमध्ये जया आणि श्वेता त्यांच्या कारसाठी थांबलेल्या असतात. जेव्हा त्या कारमध्ये बसायला जातात तेव्हा त्या पापाराझींना म्हणतात, “चला तुम्हीपण सोबत चला..या.” इतकंच नव्हे तर “बकवास सगळं, घाणेरडे सर्वजण घाणेरडे” अशा शब्दांत त्या राग व्यक्त करतात.

 

View this post on Instagram

 

A post shared by Instant Bollywood (@instantbollywood)

जया बच्चन यांच्या या व्हिडीओवर नेटकऱ्यांनी विविध प्रतिक्रिया दिल्या आहेत. ‘या नेहमी कोणा ना कोणावर भडकत असतात. अमिताभजी यांना कसं सहन करतात’, असा सवाल एकाने केला. तर ‘ऐश्वर्या रायवर रोज राग व्यक्त करत असेल’, असंही दुसऱ्याने म्हटलंय.

रोनो मुखर्जी हे ‘हैवान’ (1977) आणि ‘तू ही मेरी जिंदगी’ (1965) यांसारख्या चित्रपटांसाठी ओळखले जायचे. गेल्या आठवड्यात मुंबईत त्यांचं कार्डिॲक अरेस्टने निधन झालं. रोनो हे अभिनेत्री काजोल आणि राणी मुखर्जी यांचे काका होते. त्यांना शर्बानी, सिद्धार्थ आणि सम्राट अशी तीन मुलं आहेत. रोनो हे मुखर्जी बंधूंपैकी सर्वांत मोठे होते आणि उत्तर बॉम्बे दुर्गा पूजा समुदायाचे ते अध्यक्ष होते.

टेलिव्हिजनवरील ‘रामायण’ या मालिकेत राम आणि सीतेची भूमिका साकारणारे कलाकार गुरमीत चौधरी आणि डेबिना बॅनर्जी यांच्या घरात चोरी झाली. त्यांच्या घरातील नोकरानेच ही चोरी केली आहे. सुदैवाने गुरमीत त्यावेळी घरी होता. त्याची दोन्ही मुलं आणि इतर कुटुंबीय सुरक्षित असल्याची माहिती त्याने दिली. चोराला पकडलं गेलं असून चोरीला गेलेलं काही सामान परत मिळवण्यातही पोलिसांना यश आलं आहे. गुरमीतने सोशल मीडियावर पोस्ट लिहित या घटनेची सविस्तर माहिती दिली.

गुरमीत चौधरीने त्याच्या इन्स्टाग्राम स्टोरीमध्ये लिहिलं, ‘अलर्ट- आज एका नवीन वर्करने (नोकर) आपल्या घरातून काही सामानाची चोरी केली आणि तो पळून गेला. सुदैवाने आम्ही कोणालाही कामावर ठेवताना त्यांची नीट चौकशी करतो. त्यामुळे आम्ही लगेच कारवाई करू शकलो. नशिबाने मी तेव्हा घरातच होतो आणि माझी मुलं त्यांच्या रुममध्ये सुरक्षित आहेत. काही कॉल्स केल्यानंतर आम्हाला चोरीला गेलेलं बरंचसं सामान परत मिळालं. पण सर्वांत महत्त्वाची गोष्ट म्हणजे आम्ही सर्वजण सुरक्षित आहोत. थोडं नशिब खराब होतं, पण एक गोष्ट नीट लक्षात ठेवा की, तुम्हाला घरातसुद्धा नेहमीच अलर्ट राहावं लागेल. आपल्या घरात कोणालाही कामावर ठेवण्याआधी त्या व्यक्तीची नीट चौकशी करा.’

गुरमीत आणि डेबिनाने काही महिन्यांपूर्वीच मुंबईत एक नवीन घर खरेदी केलं होतं. त्यांनी सोशल मीडियावर आपल्या नव्या घराची आणि गृहप्रवेशाची झलकसुद्धा दाखवली होती. या घराची किंमत कोट्यवधींमध्ये असल्याचं कळतंय. गुरमीत आणि डेबिना हे राम-सीतेच्या भूमिकेतून घराघरात पोहोचले. याच मालिकेदरम्यान दोघं एकमेकांच्या प्रेमात पडले आणि 2011 मध्ये त्यांनी लग्न केलं.

 

View this post on Instagram

 

A post shared by Debinna Bonnerjee (@debinabon)

डेबिनाने एप्रिल 2022 मध्ये मुलगी लियानाला जन्म दिला. त्यानंतर त्याच वर्षी नोव्हेंबर महिन्यात दिविशा या दुसऱ्या मुलीचा जन्म झाला. 2009 मध्ये या दोघांनी ‘रामायण’ या मालिकेत एकत्र काम केलं होतं. हे दोघं लवकरच ‘पती पत्नी और पंगा- जोडियों की रिॲलिटी’ या नव्या टीव्ही शोमध्ये एकत्र झळकणार आहेत. गेल्या महिन्यातच या शोची घोषणा कलर्स टीव्हीने केली होती. डेबिनाची दुसरी गर्भधारणा ही नैसर्गिक पद्धतीने झाली असली तरी दिविशाचा जन्म डिलिव्हरीच्या तारखेआधी झाला होता. त्यामुळे तिला रुग्णालयात काही दिवस दाखल करण्यात आलं होतं.

कॉमेडीच्या अचूक टायमिंगसाठी अभिनेते अशोक सराफ ओळखले जातात. विनोदी भूमिकांपासून ते गंभीर पात्रांपर्यंत अभिनय करणारे अभिनेते अशोक सराफ . अनेक मराठी आणि हिंदी चित्रपटांमध्ये त्यांनी आपल्या अभिनयाने आपला चाहता बनवलं. एवढच नाही तर अवघ्या महाराष्ट्रासाठी सन्मानाची बाब म्हणजे 27 मे रोजी अशोक सराफ यांना राष्ट्रपती मुर्मू यांच्या हस्ते पद्मश्री पुरस्कार प्रदान करण्यात आला. आज म्हणजेच 4 जूनला अशोकमामा त्यांचा 78 वा वाढदिवस साजरा करत आहेत. त्यांच्या अभिनयाच्या प्रवासात अनेक आठवणी, यश आणि प्रेरणादायी किस्से घडले आहेत.

बँकेची नोकरी पण मनात कायम अभिनयाची गोडी 

अशोक सराफ यांचा जन्म 1947 साली झाला. शिक्षणानंतर त्यांनी वडिलांच्या इच्छेखातर स्टेट बँक ऑफ इंडियामध्ये 10 वर्षे नोकरी केली. मात्र, मनात रंगभूमीचं वेड असल्याने ते गुपचूप नाटकात काम करत राहिले. अखेर अभिनयाच्या प्रेमापायी त्यांनी चित्रपटसृष्टीत पाऊल टाकलं. 1969 मध्ये ‘जानकी’ या मराठी चित्रपटातून त्यांनी सिनेमात पदार्पण केलं. परंतु त्यांना खरी ओळख मिळाली ती 1975 मध्ये आलेल्या ‘पांडू हवालदार’ या चित्रपटामुळे. या चित्रपटात त्यांनी साकारलेला हवालदार सखाराम प्रेक्षकांच्या मनात घर करून गेला.

अशोकमामा शर्टाची वरची दोन बटणं उघडी का ठेवण्याची?

मात्र अनेक चित्रपटांमध्ये त्यांची एक खास स्टाईल पाहायला मिळते ती अनेकांच्या लक्षातही आली असेल ती म्हणजे ते कायम त्यांच्या शर्टची वरची दोन बटणं उघडी ठेवायचीय आजही त्यांची ही सवय कायम आहे. पण त्यामागे एक रंजक कारण आहे. प्रत्येक कलाकाराची एक वेगळी शैली असते. अशीच अशोकमामांची एक स्टाइल आहे. शर्टाची वरची दोन बटणं उघडी ठेवण्याची. त्या काळात प्रत्येक अभिनेत्याला लोक फॉलो करायचे. हिरोच्या केसांची स्टाइल, त्याचे कपडे सगळ्याची फॅशन व्हायची.तशीच अशोकमामांची ही स्टाईल नंतर अनेक तरुणांनी फॉलो करायला सुरुवात केली. पण त्याचसोबत प्रेक्षकांना कुतुहलही तेवढंच होतं की नक्की यामागे काय कारण आहे.

अशोक सराफांनी आणलेला ट्रेंड 

शर्टाची वरची दोन बटणं उघडी ठेवण्याचा ट्रेंड अशोक सराफ यांनी सेट केला होता. पण अशोक सराफानी स्वत: एका मुलाखतीत याचं कारण अखेर सांगूनच टाकलं होतं. यामागे दोन कारणं होती. एक म्हणजे तेव्हा ही फॅशन नुकतीच आली होती. त्यामुळे अशोकमामाही ती फॉलो करायचे आणि दुसरं म्हणजे कॉलरपर्यंत पूर्ण बटण लावल्यावर मामांना गुदमरल्यासारखं व्हायचं.त्यामुळे वरची दोन बटणं उघडी ठेवल्याने त्यांना बरंच मोकळं वाटायचं सोबतच काम करणंही सोपं व्हायचं. आणि मुख्य म्हणजे त्यांना ती फॅशन शोभून दिसायची.

अशोक मामांची ही फॅशन आजही चर्चेत 

अशोक मामा हे करतायत म्हटल्यावर निर्माते आणि दिग्दर्शकही त्यांना काही बोलायचे नाहीत. मात्र पुढे हीच फॅशन ट्रेंड बनेल असं कधीच कोणाला वाटलं नव्हतं. ही फॅशन नंतर अशोक मामांच्या नावाने ओळखली जाऊ लागली. अशोक सराफ यांच्याकडे असलेल्या विनोदाच्या अचूक टायमिंगची नेहमीच चर्चा होत असते, त्याच जोरावर त्यांनी प्रेक्षकांना खळखळू हसवलं. आजही त्यांच्या कामाचं कौतुक होतं आणि कायम होत राहिलं तसेच त्यांनी मराठी चित्रपटसृष्टीला दिलेलं योगदान हे प्रचंड मोठं आहे. ज्याची तुलना कधीच होऊ शकत नाही.

अभिनेत्री मलायका अरोराला घटस्फोट दिल्यानंतर अरबाज खानने डिसेंबर 2023 मध्ये सेलिब्रिटी मेकअप आर्टिस्ट शुरा खानशी दुसरं लग्न केलं.

अरबाजने शुरासोबत आयुष्याची एक नवी सुरुवात केली असून हे दोघं त्यांच्या आयुष्यात खूप खुश असल्याचं पहायला मिळत आहे. आता लग्नाच्या दीड वर्षानंतर शुराने गुड न्यूज दिली आहे. खान कुटुंबात लवकरच चिमुकला पाहुणा येणार आहे.

गेल्या काही महिन्यांपासून शुरा खान प्रेग्नंट असल्याच्या जोरदार चर्चा होत्या. परंतु त्यावर दोघांनी कोणतीच प्रतिक्रिया दिली नव्हती. आता शुराने गरोदर असल्याचा थेट पुरावाच दिला आहे.

मंगळवारी शुराला मुंबईतील एका शॉपबाहेर पाहिलं गेलं. यावेळी तिने गडद निळ्या रंगाचा बॉडीकॉन ड्रेस आणि त्यावर डेनिम जॅकेट घातला होता. या ड्रेसमध्ये तिचा बेबी बंप स्पष्ट पहायला मिळाला.

यावेळी शुरा अत्यंत काळजीपूर्वक चालताना दिसली. या गुड न्यूजबद्दल अद्याप अरबाज खानने कोणतीच प्रतिक्रिया दिली नाही. अरबाजने 1998 मध्ये मलायकाशी लग्न केलं होतं. या दोघांना अरहान हा मुलगा आहे.

अभिनेत्री सोनाक्षी सिन्हा आणि झहीर इक्बाल हे बॉलिवूडमधील सर्वांत चर्चेतल्या जोडप्यांपैकी एक आहेत. या दोघांची केमिस्ट्री अनेकांना आवडत असली तरी काही लोक असेही आहेत जे त्यांना सतत लक्ष्य करतात. अशीच काहीशी घटना नुकतीच घडली आहे. सोनाक्षीच्या वाढदिवसानिमित्त झहीरने इन्स्टाग्रामवर तिचा मजेशीर व्हिडीओ पोस्ट केला. या पोस्टच्या कॅप्शनमध्ये त्याने त्याच्या भावनाही व्यक्त केल्या आहेत. या व्हिडीओमध्ये सोनाक्षी बर्गर खाताना दिसतेय. परंतु ती बीफ बर्गर खात असल्याचा दावा एका युजरने केला असता त्यावर झहीरने सडेतोड उत्तर दिलं आहे.

झहीरने पोस्ट केलेल्या या व्हिडीओमध्ये सोनाक्षी बर्गरचा पुरेपर आस्वाद घेताना दिसत आहे. ‘माझ्या जानला वाढदिवसाच्या खूप शुभेच्छा. अशा क्षणांसाठी मी तुझ्यावर खूप प्रेम करतो. तू नेहमीच खूश राहा आणि तुझं पोट कायम भरलेलं असू दे. तुला असं नाचताना पाहण्यासाठी मी तुला जेवायला घेऊन जातो. तुझ्या चेहऱ्यावर जेवण लागलंय हे न सांगण्यासाठी मी कायम तुझ्यासोबत असेन’, अशी मजेशीर पोस्ट त्याने लिहिली आहे. त्याचसोबत सोनाक्षीने बर्गर खाल्ल्याच्या दोन तासांनंतर तिला लग्नासाठी प्रपोज केल्याचा खुलासा झहीरने केला. 30 डिसेंबर 2022 ची ही घटना आहे. सोनाक्षीच्या बोटात अंगठी नसताना तिने जेवलेलं हे शेवटचं जेवण आहे, असंही त्याने म्हटलंय.

 

View this post on Instagram

 

A post shared by Zaheer Iqbal (@iamzahero)

या पोस्टवर नेटकऱ्यांनी विविध प्रतिक्रिया दिल्या आहेत. अनेकांनी ही जोडी खूपच मजामस्ती करणारी वाटली, तर काहींना त्यांची केमिस्ट्री, त्यांच्यातील मैत्री खूप आवडली. परंतु काहींनी सोनाक्षीच्या बर्गरवरून प्रश्न उपस्थित केला. ती बीफ खातेय का, असा सवाल एकाने केला. तर ‘ती नक्कीच बीफ बर्गर खातेय’ असं दुसऱ्याने म्हटलंय. या कमेंट्सवर झहीरने प्रतिक्रिया दिली आहे. त्याने लिहिलं, ‘काळजी करू नका, हा व्हेज (शाकाहारी) बर्गर आहे.’

सोनाक्षी आणि झहीरने गेल्या वर्षी जून महिन्यात लग्न केलं. नोंदणी पद्धतीने लग्न केल्यानंतर त्यांनी भव्य रिसेप्शन पार्टीचं आयोजन केलं होतं. या पार्टीला बॉलिवूडमधील अनेक सेलिब्रिटी उपस्थित होते. सोनाक्षीला या आंतरधर्मीय लग्नावरून बरंच ट्रोलसुद्धा करण्यात आलं होतं. याबद्दल सोनाक्षी एका मुलाखतीत म्हणाली होती, “झहीर आणि मी धर्माकडे पाहतच नाही. आम्ही दोघं एकमेकांवर प्रेम करतो आणि आम्हाला एकमेकांशी लग्न करायचं होतं. मग लग्न करण्यासाठी सर्वोत्तम पर्याय काय होता? तो त्याचा धर्म माझ्यावर थोपत नव्हता किंवा मी माझा धर्म त्याच्यावर थोपत नाही. आमच्यात याबद्दल संवादच झाला नाही. आम्ही कधी बसून यावर बोललोच नाही.”

आयपीएलचं जेतेपद पटकावण्याचं स्वप्न अखेर रॉयल चॅलेंजर्स बेंगळुरूने (RCB) मंगळवारी पूर्ण केलं. तब्बल 18 वर्षांच्या प्रतीक्षेनंतर आरसीबीला आयपीएलची ट्रॉफी उचलण्याची संधी मिळाली. एकीकडे RCB ने ऐतिहासिक विजय मिळवला, तर दुसरीकडे अभिनेत्री प्रिती झिंटा सहमालकीण असलेल्या पंजाब किंग्जला (PBKS) पराभव सहन करावा लागला. या पराभवानंतर प्रितीच्या चेहऱ्यावर निराशा स्पष्ट पहायला मिळत होती. संपूर्ण सिझनमध्ये पंजाब किंग्जची कामगिरी दमदार होती. त्यामुळे त्यांच्या विजयाची शक्यताही अधिक होती. आयपीएलच्या इतिहासात पंजाबच्या टीमनेही आतापर्यंत ट्रॉफी पटकावली नव्हती.

मंगळवारी पार पडलेल्या अंतिम सामन्यात झालेल्या पराभवानंतर प्रिती तिच्या चेहऱ्यावरील दु:ख लपवू शकत नव्हती. आपल्या टीमसाठी वाटणारं वाईट आणि हताशपणा तिच्या चेहऱ्यावर जाणवत होता. मैदानावरील प्रितीचे काही फोटो आणि व्हिडीओ सोशल मीडियावर व्हायरल होत आहेत. मॅच संपल्यानंतर ती मैदानात अत्यंत निराश होऊन चालताना दिसत आहे. अंतिम सामन्यात ती पांढऱ्या रंगाचा कुर्ता, सलवार आणि लाल दुपट्टा अशा पारंपरिक पोशाखात दिसली होती. कर्णधार श्रेयस अय्यरसह इतर स्पर्धकांचं सांत्वन करतानाही ती दिसली.

#PreityZinta has tears in her eyes, as expected. She’s heartbroken again. I saw similar visuals in 2014. #RCBvPBKS #IPL #IPL18 #IPL2025 #TATAIPL #Ahmedabad #Final pic.twitter.com/mSG9e1gdKJ

— Tejan Shrivastava (@BeingTeJan) June 3, 2025

प्रितीच्या या फोटो, व्हिडीओंवर नेटकऱ्यांनी विविध प्रतिक्रिया दिल्या आहेत. ‘भावा, हीसुद्धा 18 वर्षांपासून प्रतीक्षा करत होती. तिच्या डोळ्यातील अश्रू स्पष्ट दिसत आहेत. पुन्हा तिचा अपेक्षाभंग झाला. 2014 मध्येही हेच दृश्य पहायला मिळालं होतं’, असं एकाने लिहिलं. तर ‘प्रिती झिंटा दरवर्षी तिच्या टीमला पाठिंबा देण्यासाठी इतक्या मैलाचा प्रवास करून यायची. ती तिच्या टीमच्या चांगल्या-वाईट क्षणी सोबत होती. तिने कधीच कोणाला ट्रोल केलं नाही. आज तिच्याविषयीचा आदर आणखी वाढला आहे’, असं दुसऱ्याने म्हटलंय. ‘तू खंबीर राहा प्रिती, आपण एकेदिवशी नक्कीच जिंकू’, अशा शब्दांत नेटकऱ्यांनी तिला आधार देण्याचा प्रयत्न केला आहे.

‘जेव्हा कोणी कोहलीच्या निष्ठेबद्दल बोलतं, तेव्हा आम्ही प्रिती झिंटाच्या ताकदीची आणि इच्छाशक्तीची प्रशंसा केली. अर्थात पैसा ही चांगली गोष्ट आहे. पण खेळावर प्रेम करणाऱ्या प्रत्येकाला माहीत आहे की पराभव किती वेदनादायी असतो. भावना प्रत्येकाच्या सारख्याच असतात आणि ती 18 वर्षे एकाच ठिकाणी उभी राहिली. मला आशा आहे की एकेदिवशी ती जिंकेल’, अशाही प्रतिक्रिया नेटकऱ्यांनी दिल्या आहेत.

Virat Kohli – Anushka Sharma : आयपीएल 2025 च्या फायनलमध्ये रॉयल चॅलेंजर्स बंगळुरूने पंजाब किंग्जचा पराभव करून 18 वर्षांचे स्वप्न पूर्ण केले आहे. विराटच्या संघाने पहिल्यांदाच आयपीएल ट्रॉफी जिंकत इतिहास रचला आहे. सामना जिंकल्यानंतर विराट भावुक झाला. मैदानावर असतानाच त्याच्या डोळ्यांत अश्रू तरळले आणि विजायनंतर तो चक्क मैदानावरच रडू लागला. त्याला पाहून अनेक चाहतेही भावूक झाले होते. मात्र आरसीबीच्या या विजयामुळे विराटची पत्नी, अभिनेत्री अनुष्का शर्मा खूपच खुश होती, तिच्या चेहऱ्यावर आनंद स्पष्ट झळकत होता. आयपीएल स्पर्धा सुरू झाल्यापासून अनुष्का विराटचे बहुतेक सामने पाहण्यासाठी आली होती. अनुष्का ही विराटची लकी चार्म आहे. दरम्यान तिची ‘ही’ खास गोष्ट विराटसाठी अंतिम सामन्यात लकी ठरल्याचे बोलले जात आहे.

आयपीएलच्या पहिल्या क्वॉलिफायरमध्ये देखील अनुष्का शर्मा ही विराटला पाठिंबा देण्यासाठी गेली होती. पहिला क्वालिफायर सामना आरसीबी आणि पंजाब किंग्ज यांच्यातच खेळला गेला होता. त्या सामन्यात अनुष्काने जे काही केले, तेच तिने अंतिम सामन्यातही केले. अनुष्काचा एक शर्ट विराटसाठी लकी ठरला अशी चर्चा आहे.

व्हाईट शर्ट विराटसाठी लकी ?

आयपीएलच्या पहिल्या क्वॉलिफायरमध्ये अनुष्का शर्मा ही पांढऱ्या रंगाचा शर्ट आणि डेनिम घालून आली होती. ती स्टँडवरून विराटसाठी आणि आरसीबीसाठी चिअर करताना दिसली. तर काल (मंगळवारी) झालेल्या अंतिम सामन्यातही अनुष्काचा लूक असाच होता. कालही ती पांढरा शर्ट आणि डेनिम घालून आली होती. त्यामुळे अनुष्काचा पांढरा शर्ट विराटसाठी लकी ठरला असे बोलले जात आहे.

The happiness of Anushka Sharma when RCB Qualify for Final. #RohitSharma #ViratKohli #KLRahul #IPL2025 #RCB #RCBvsPBKS pic.twitter.com/g07NkunbpP

— Monish (@Monish09cric) May 30, 2025

अनुष्काला मिठी मारून रडला विराट

काल आयपीएलची फायनल जिंकल्यावर विराट भरमैदानातच रडला होता. त्यानंतर नेहमीप्रमाणे अनुष्का विराटला भेटण्यासाठी मैदानात आली, तेव्हा त्याने तिला घट्ट मिठी मारली. अनुष्का विराटचे अभिनंद करत असतानाच विराटच्या डोळ्यात तेव्हाही अश्रू आले होते. एवढंच नव्हे तर आरसीबी जिंकल्यानंतर अनुष्काच्या डोळ्यातही अश्रू होते आणि तिच्या चेहऱ्यावर आनंद होता. हे आनंदाश्रू होते, यात काहीच दुमत नाही.

This man has won everything possible on this planet!#IPLFinal #ViratKohli𓃵 #AnushkaSharma #RCB pic.twitter.com/9DdV0YkxI7

— The Gorilla (@Meowland_007) June 3, 2025

विराटने अनुष्कालाही दिलं क्रेडिट

काल सामान जिंकल्यानंतर विराट कोहलीने आरसीबीच्या विजयाचे श्रेय अनुष्का शर्माला दिले आहे. विराट म्हणाला – ती 2014 पासून येथे येत आहे आणि आरसीबीला पाठिंबा देत आहे, म्हणून तिलाही 11 वर्षे झाली आहेत. ती सतत तिथे होती. सामन्यांना यायची,कठीण मॅचही तिने पाहिल्या, तिने आम्हाला हरताना पाहिलंय. तुमचा जीवनसाथी तुमच्यासाठी खेळण्यासाठी काय- काय करत असतो, त्याग, कमिटमेंट देतो आणि अडचणीत तुमच्यासाठी उपस्थित असतो. हे असे काहीतरी आहे जे तुम्ही शब्दात मांडू शकत नाही.’ असं म्हणत विराटने अनुष्काचंही कौतुक केलं.

विराट कोहली आणि रॉयल चॅलेंजर्स बेंगळुरूची 18 वर्षांपासूनची आयपीएल जेतेपदाची प्रतीक्षा अखेर संपुष्टात आली. बेंगळुरू टीमने मंगळवारी झालेल्या अंतिम लढतीत पंजाब किंग्जला सहा धावांनी पराभूत करत अखेर जेतेपदाची चव चाखली. या विजयासह विराट कोहलीचीही स्वप्नपूर्ती झाली. गेल्या 18 वर्षांपासून तो RCB टीमसोबतच आयपीएलमध्ये खेळत होता. या 18 वर्षांच्या दीर्घ प्रतीक्षेनंतर त्याला मंगळवारी विजय अनुभवता आला. रॉयल चॅलेंजर्स बेंगळुरू आणि पंजाब किंग्जच्या या अंतिम सामन्यासाठी क्रिकेटप्रेमी प्रचंड उत्साही होते. हा सामना सुरू होण्यापूर्वी एका प्रसिद्ध टीव्ही अभिनेत्याने म्हटलं होतं की आरसीबीने ही मॅच जिंकली तर तो विराट कोहलीसाठी मंदिर बांधणार आणि विजय माल्याचे सर्व कर्ज फेडणार. आता RCB च्या या विजयानंतर त्या अभिनेत्याचं हे वक्तव्य सोशल मीडियावर चर्चेत आलं आहे.

विराट कोहलीचं मंदिर बांधणार असं वक्तव्य करणारा हा अभिनेता दुसरा-तिसरा कोणी नसून नकुल मेहता आहे. नकुलने ‘इश्कबाज’, ‘बडे अच्छे लगते है’ यांसारख्या लोकप्रिय मालिकांमध्ये भूमिका साकारल्या आहेत. आयपीएलच्या अंतिम सामन्यापूर्वी त्याने सोशल मीडियावर स्वत:चा व्हिडीओ पोस्ट केला. त्यात अत्यंत उत्साहाने तो म्हणाला, “अखेर 18 वर्षांनंतर तो दिवस आला, जेव्हा आपण तो विजयचा कप उचलणार. मिस्टर 18 (कोहली) हा निर्विवादपणे आयपीएल क्रिकेटच्या इतिहासातील सर्वोत्कृष्ट खेळाडू आहे आणि तो यंदा पहिली ट्रॉफी उचलणार आहे. तुम्ही सर्वजण माझ्यासोबत आहात का? आरसीबीने आपल्याला संयमाचा खरा अर्थ शिकवला आहे.”

 

View this post on Instagram

 

A post shared by Nakuul Mehta (@nakuulmehta)

“फक्त हा सामना जिंका आणि हा सामना जिंकल्यास मी वचन देतो की मी कन्नड भाषा शिकेन आणि हा व्हिडीओ पुन्हा अपलोड करेन. मी दाक्षिणात्य नाश्ता खाण्यासही सुरुवात करेन. जिथे वायफाय चांगला असेल तिथे मी राहायला जाईन. तुम्ही फक्त हा विजय प्राप्त करा आणि त्यासाठी मी सर्वकाही करायला तयार आहे. मी विराट कोहलीसाठी मंदिर बांधेन, नाश्ता, दुपारचं जेवण आणि रात्रीच्या जेवणातही रसम खाईन. मी विजय माल्याचंही सगळं कर्ज फेडेन. तुम्ही फक्त हा सामना जिंका”, अशी वचनं तो या व्हिडीओत देताना दिसतोय. त्यामुळे आता आरसीबीच्या विजयानंतर नेटकरी त्याच्या अकाऊंटवर कमेंट करून विराटच्या मंदिराबद्दल सवाल करत आहेत.

रॉयल चॅलेंजर्स बंगळुरुच्या फॅन्ससाठी हा खास क्षण आहे. 17 वर्षांच स्वप्न पूर्ण झालय. बऱ्याच वर्षांपासून आरसीबी आणि विराट कोहलीचे फॅन्स IPL ट्रॉफीची प्रतिक्षा करत होते. आता हे स्वप्न प्रत्यक्षात आलय. ही ट्रॉफी विराट कोहलीसाठी खूप खास आहे. म्हणूनच विराट मैदानावर रडला. किंग कोहलीला ICC ट्रॉफी जिंकल्यानंतरही इतकं इमोशनल होताना पाहिलेलं नाही, जितका तो आयपीएल ट्रॉफी जिंकल्यानंतर झाला होता. (PTI)

अनुष्का शर्मा त्यावेळेपासून विराट कोहली आणि RCB ला सपोर्ट करतेय, जेव्हापासून दोघे डेटिंग फेजमध्ये होते. अनुष्काला भरपूर ट्रोलिंगचा सुद्धा सामना करावा लागला. विराट कोहलीची लेडी लक अनुष्का शर्मा नेहमीप्रमाणे फायनल सामन्यात विराट आणि त्याच्या टीमसाठी चीयर करताना दिसली. (PTI)

विजयानंतर अनुष्का शर्माने विराट कोहलीला भेटण्यासाठी लगेच मैदानात धाव घेतली. दोघे समोर येताच विराट तिला मिठी मारुन रडला. तिने विराटच्या पाठीवर कौतुकाची थाप मारली. विजयाच्या शुभेच्छा दिल्या. यावेळी विराटने अनुष्काच्या डोक्यावर किस केलं. हा विरुष्का क्षण मोठ्या प्रमाणात सोशल मीडियावर व्हायरल झालाय. (PTI)

या दरम्यान अनुष्का शर्माने टीमच्या सर्व खेळाडूंना विजयाच्या शुभेच्छा दिल्या. पतीच्या पहिल्या IPL ट्रॉफीचं अनुष्का शर्माने सुद्धा जोरदार सेलिब्रेशन केलं. संपूर्ण टीमसोबत विनिंग पोज देताना दिसली. (PTI)

अनुष्का शर्मा विराट कोहलीची सर्वात मोठी सपोर्ट सिस्टिम आहे. पत्नी होण्याआधी गर्लफ्रेंड म्हणूनही ती सामना पाहण्यासाठी हजर असायची. विराटच्या आयुष्यात झालेल्या सकारात्मक बदलांमागे सुद्धा अनुष्काच आहे. RCB च्या विजयानंतर स्टँडवर तिने सुद्धा आनंदाने उड्या मारल्या. (PTI)

आयपीएल 2025 चा अंतिम सामना (3 जून 2025) रोजी अहमदाबादच्या नरेंद्र मोदी स्टेडियमवर रॉयल चॅलेंजर्स बंगळुरू आणि पंजाब किंग्ज यांच्यात खेळण्यात आला. एका रोमांचक सामन्यात आरसीबीने ट्रॉफी जिंकली. RCBच्या विजयानंतर सर्व टीमने जल्लोष करत हा आनंद साजरा केला. स्टेडियमवर RCBचे सर्व खेळाडू आनंदी तर दिसतच होते पण सोबतच सर्वांच्या डोळ्यात आनंदाश्रू होते.

RCBच्या विजयानंतर विराट कोहली भावूक

RCBच्या विजयानंतर सर्वात जास्त भावूक झालेला दिसला तो म्हणजे विराट कोहली. पहिल्यांदा आयपीएल जिंकल्यानंतर विराट कोहलीला इतका आनंद झाला की अक्षरश: तो त्या क्षणी मैदानावर ढसाढसा रडू लागला. विराटने सर्व खेळाडूंना मिठी मारत आनंद साजरा केला पण तेव्हा त्याच्या डोळ्यातील अश्रू मात्र थांबत नव्हते. त्यावेळी मॅच पाहण्यासाठी स्टेडिअममध्ये उपस्थित असलेली अनुष्का शर्माही जोरजोरात उड्या मारून आनंद व्यक्त करताना दिसली.

अनुष्काने मिठी मारताच विराट ढसाढसा रडू लागला 

पण खरा क्षण तेव्हा पाहायला मिळाला जेव्हा अनुष्का धावत मैदानावर उतरली आणि तिने विराटला घट्ट मिठी मारली, त्यावेळी, तिच्या चेहऱ्यावर अभिमान आणि आनंद स्पष्ट दिसत होता. तिने विराटला मिठी मारताच विराट एखाद्या बाळासारखा ढसाढसा रडू लागला. ज्याचे फोटो  आणि  व्हिडीओ सोशल मीडियावर व्हायरलही झाले आहेत. अनुष्का शर्मानेही तिच्या पतीचा विजय साजरा केला. प्रथम ती टाळ्या वाजवताना आणि नंतर क्रिकेटपटूला मिठी मारताना आणि विजयाबद्दल अभिनंदन करताना दिसली.

Them#ViratKohli #anushkasharma pic.twitter.com/EttrimRdvG

— s (@yaayerhs) June 3, 2025

18 वर्षांत पहिल्यांदाच आयपीएल जिंकली RCB

रॉयल चॅलेंजर्स बंगळुरूने पहिल्यांदाच आयपीएल ट्रॉफी जिंकली आहे. आयपीएलच्या 18 वर्षांच्या इतिहासात आरसीबी पहिल्यांदाच चॅम्पियन बनली आहे. आयपीएल 2025 च्या अंतिम सामन्यात आरसीबीने पंजाब किंग्जचा 6 धावांनी पराभव केला. आरसीबीने प्रथम खेळल्यानंतर 190 धावा केल्या तर पंजाब किंग्जने फक्त 184 धावा केल्या. RCB चा विजय कायम लक्षात राहणारा ठरला.

विजयानंतर विराटची प्रतिक्रिया 

विजयानंतर विराट कोहलीने प्रतिक्रिया देत म्हटलं की, ‘हा विजय चाहत्यांसाठी जितका महत्त्वाचा आहे तितकाच तो संघासाठी आहे. मी या संघाला माझे सर्वस्व, शौर्य आणि अनुभव दिला आहे. प्रत्येक हंगामात जिंकण्याचा प्रयत्न केला, मी शक्य तितके सर्व काही दिले. हा दिवस येईल असे कधीच वाटले नव्हते, पण जेव्हा आम्ही जिंकलो तेव्हा मात्र मी भाविनक झालो.” असं म्हणत त्याने त्याच्या भावना व्यक्त केल्या आहेत.

Thank you Anushka Sharma for taking care of this Kid for us thank you so being there every time he needed someone so strong who can control that storm in him

Thank you for being our Lady luck

RCB RCB RCB #AnushkaSharma #EeSalaCupNamde pic.twitter.com/MZpZ9glX6c

— Rahul | (@TheGoatNDevil) June 3, 2025