पुणे: पंतप्रधान नरेंद्र मोदी यांची आज पुण्यात जाहीर सभा पार पडली. पुणे लोकसभा मतदारसंघाचे भाजपचे उमेदवार मुरलीधर मोहोळ आणि पुणे जिल्ह्यातील महायुतीचे इतर उमेदवार यांच्या प्रचाराच्या निमित्ताने मोदींची सभा पार पडली. या सभेत पंतप्रधान नरेंद्र मोदी यांनी नाव न घेता माजी केंद्रीय मंत्री शरद पवार यांच्यावर निशाणा साधला. नरेंद्र मोदी यांनी आपल्या भाषणात अतिशय खोचक शब्दांमध्ये विरोधकांवर निशाणा साधला. महाराष्ट्र हा भटकत्या आत्म्यांचा शिकार झालाय. या आत्मा स्वत:चं काम पूर्ण झालं नाही तर इतरांचं देखील काम बिघडवतात, अशी टीका नरेंद्र मोदींनी आपल्या भाषणात केली.

“महाराष्ट्राने खूप काळ राजकीय अस्थिरता पाहिली आहे. मी आज काही सांगण्याआधी स्पष्ट करु इच्छितो की, कुणीही आपल्या डोक्यावर टोपी घेऊ नका. आमच्याइकडे म्हणतात की, काही भटकणाऱ्या आत्मा असतात, ज्यांच्या इच्छा पूर्ण होत नाहीत, ज्यांचे स्वप्न अपूर्ण राहिले असतात, अशा आत्मा भटकत असतात. मग स्वत:चं काम झालं नाही तर इतरांचं काम बिघडवण्यातही त्यांना मजा येते. आमचा महाराष्ट्रही अशा भटकत्या आत्म्यांचा शिकार झालाय”, अशी टीका नरेंद्र मोदींनी केली.

“आजपासून 45 वर्षांपू्र्वी इथल्या एका बड्या नेत्याने आपल्या महत्त्वाकांक्षेसाठी या खेळाची सुरुवात केली. तेव्हापासून महाराष्ट्र एक अस्थिरतेच्या मार्गावर गेलं. अनेक मुख्यमंत्री आपला कार्यकाळही पूर्ण करु शकले नाहीत. विपक्ष सरकार अस्थिर करत नाहीत. तर या आत्माच काहीतरी करतात. ते आपल्या पक्षातही असंच काहीसं करतात. या आत्मा कुटुंबातही तसंच करतात”, असा घणाघात शरद पवारांनी केला.

“1995 मध्ये जेव्हा भाजप-शिवसेनेचं सरकार आलं तेव्हाही या आत्म्याने ते सरकार अस्थिर करण्याचा प्रयत्न केला. 2019 मध्ये या आत्माने जनादेशाचा अपमान केला. ते महाराष्ट्राची जनता जाणते. विशेष म्हणजे आज देशात अस्थिरता निर्माण करण्याचा प्रयत्न सुरु आहे. आज भारताला अशा भटकत्या आत्म्यांपासून वाचवून देशाला स्थिर, मजबूत सरकारची आवश्यकता आहे”, अशी टीका नरेंद्र मोदींनी केली. महाराष्ट्रात आमची महायुती आहे, ती मजबुतीने इतकी पुढे जावी की, गेल्या 35 ते 40 वर्षात ज्या कमतरता राहिल्या आहेत, त्या पूर्ण भरुन काढतील, आणि विकसित भारताच्या स्वप्नाला पूर्ण करण्याचं काम होईल, असं नरेंद्र मोदी म्हणाले.

पुणे : पुणे जिल्ह्यातील चारही लोकसभा मतदारसंघासाठी पंतप्रधान नरेंद्र मोदी यांची 29 एप्रिल रोजी जाहीर सभा शिरूर लोकसभा मतदारसंघासाठी भाजप, शिवसेना, राष्ट्रवादी काँग्रेस, मनसे, आरपीआय (ए) महायुतीच्या वतीने शिवाजीराव आढळराव पाटील गुरुवारी (23 एप्रिल) उमेदवारी अर्ज दाखल आहेत. याचबरोबर पुणे लोकसभेचे महायुतीचे उमेदवार मुरलीधर मोहोळ देखील आपला उमेदवारी अर्ज दाखल करणार आहेत. त्यानुसार उद्या महायुतीकडून पुण्यात मोठं शक्तिप्रदर्शन केलं जाणार आहे. 

शिरूर आणि पुणे लोकसभा मतदारसंघातून महायुतीचे दोन्ही उमेदवार आपला उमेदवारी अर्ज सादर करणार आहेत. तर पंतप्रधान नरेंद्र मोदी यांची येत्या २९ एप्रिल संध्याकाळी पुणे, बारामती, शिरूर आणि मावळ मतदारसंघासाठी जाहीर सभा घेणार आहेत.  या सभेपुर्वी नरेंद्र मोदी यांचा रोड शो आयोजित करण्यात आला आहे. हे दोन्ही मोठे कार्यक्रम यशस्वी करण्यासाठी महायुतीच्या सभा आयोजित केल्या आहेत.  त्याच पार्श्वभूमीवर महायुतीची आज पुण्यात बैठक पार पडली. 

महायुतीची बैठक संपल्यानंतर शिवाजीराव आढळराव पाटलांनी आपली प्रतिक्रिया दिली. त्यावेळी ते म्हणाले की, गेल्या अनेक दिवसापासून महायुतीचा प्रचार सुरू केला आहे. यापुढे आता प्रचाराची पद्धत काय असावी, तसेच उद्या शिरूरसह पुण्याचे उमेदवार मुरलिधर मोहोळ यांच्यासह सकाळी ११ वाजता उमेदवारी अर्ज भरणार आहोत. त्याच अनुषंगाने आज बैठक पार पडली. तसेच यापुढे आता महायुतीच्या पदाधिकाऱ्यांनी, कार्यकर्त्यांनी प्रचाराची पद्धत काय असावी यासंदर्भात बैठकीत चर्चा केल्याची माहिती आढळराव पाटलांनी दिली. 

तर गेल्या महिन्याभरापासून मतदारसंघाची परिस्थिती पाहता सगळ्याच मतदारसंघातून राष्ट्रवादी, शिवसेना आणि भाजप हे तिन्ही प्रमुख पक्षाचे कार्यकर्ते हातात हात घालून काम करीत आहेत. यातच आता मनसेचा देखील समावेश झाल्याने मनसेचे कार्यकर्ते देखील मोठ्या उत्साहाने प्रचारामध्ये सहभागी झाले आहेत. तर उद्या सकाळी आम्ही उमेदवारी अर्ज सादर करणार आहोत. त्यासाठी राज्याचे मुख्यमंत्री आणि दोन्ही उपमुख्यमंत्री यासह चंद्रकांत पाटील देखील उपस्थित राहणार असल्याचे आढळरावांनी सांगितलंय. 

आढळरावांनी यावेळी विद्यमान खासदार अमोल कोल्हे यांच्यावर देखील टिकास्त्र सोडलं. गेले अनेक दिवस पाहतोय की, विद्यमान खासदाराला गावाच्या वेशीवरून हाकललं जात आहे. आमच्या गावातल्या सरपंचाच देखील त्यांनी फोन उचलला नाहीय. त्यांनी तर २२ निवेदन दिलीत पण त्यावर एकावरही कारवाई केली नाही. त्यामुळे त्यांना गावाच्या बाहेर हाकलून लावण्याचा प्रकार आता दिवसेंदिवस वाढत आहे. असं म्हणत आढळरावांनी कोल्हेंवर जहरी टिका केली.

दरम्यान,  निवडून आल्यानंतर लोकांची कामे करायची नाहीत. नुसतं सोशल मीडियाच्या माध्यमातून आर्टिवेशन प्रचार करायचा. एक आभासी वातावरण निर्माण करायचं. शेतकऱ्यांच्या प्रश्नावर बोलायचं नाही. फक्त लोकांच्या जीवावर निवडून यायचं. काम करायची नाहीत. परंतु जनता आता भोळी नाही आहे. जनतेला सगळं कळतंय. असं म्हणत आढळरावांनी कोल्हेंवर जोरदार घणाघात केला.

पुणे : लोकसभा निवडणुकीच्या प्रचाराला आता राज्यात चांगलाच जोर धरला आहे. यातच शिरूर लोकसभा मतदारसंघातील महायुतीचे उमेदवार शिवाजीराव आढळराव पाटलांनी प्रचार दणक्यात सुरू केला आहे. यातच शिवाजीराव आढळरावांनी हडपसर विधानसभा मतदारसंघात महायुतीच्या पदाधिकाऱ्यांसह नागरिकांच्या भेटी गाठी घेत आपला प्रचार केला. यावेळी त्यांच्या प्रचाराला नागरिकांनी देखील मोठी प्रतिसाद दिला. 

यावेळी हडपसर विधानसभेचे आमदार चेतन तुपे,  आमदार योगेश टिळेकर, पुणे शिवसेना शहरप्रमुख प्रमोद भानगिरे, राष्ट्रवादी हडपसर विधानसभा अध्यक्ष शंतनू जगदाळे, मनसे नेते बाबू वागस्कर, नगरसेविका नंदा लोणकर, कार्याध्यक्ष संदीप बधे, विभाग प्रमुख अभिमन्यू भानगिरे, भाजप सरचिटणीस गणेश घुले, मतदारसंघ अध्यक्ष संदीप दळवी, हडपसर कार्याध्यक्षा स्मिता दातीर बडदे, ओबीसी सेल हडपसर अध्यक्षा मोनिकाताई काळे, अन्न धान्य दक्षता समिती सदस्य महाराष्ट्र शासन राजू अडागळे, भाजप नेते प्रवीण जगताप, राष्ट्रवादी काँग्रेस पक्ष अध्यक्ष संजय लोणकर, मयुवक अध्यक्ष राकेश कामठे, वार्ड अध्यक्ष सोमनाथ गालभिडे, उपाध्यक्ष दिवाकर भाटरे, राष्ट्रवादी काँग्रेस पक्ष विधानसभा अध्यक्ष मोहन क्षिरसागर, हडपसर विधानसभा सरचिटणीस वैभव लोखंडे व राष्ट्रवादी काँग्रेस, शिवसेना, भाजपा व महायुतीचे घटक पक्षातील सर्व पदाधिकारी व कार्यकर्ते उपस्थित होते.

यातच हडपसर दौऱ्यावर असता आढळरावांनी पिंगळे वस्ती मुंढवा येथील अखिल गणेश बाग मि६ मंडळाला भेट दिली. यावेळी पुणे शहर राष्ट्रवादीचे अध्यक्ष बाळासाहेब कोदरे उर्फ सदानंद कोदरे यांच्या निवासस्थानी भेट दिली. त्याचबरोबर जनसेवा बॅंकेचे संचालक विनायक गायकवाड यांनी मुंढवाचा कायम आपल्या उमेदवाराला असलेल्या पाठिंब्याची पुनरावृत्ती करत घड्याळाच्या चिन्हासमोरील बटन दाबून जास्तीत जास्त मताधिक्याने निवडून देण्याचे त्यांनी आव्हान केले. 

दरम्यान, यावेळी आढळरावांनी कौसरबाग कोंढवा, अरेबियन बाईट्स येथील अल्पसंख्यांक पुणे शहराचे अध्यक्ष समीर शेख यांच्या जनसंपर्क कार्यालयालाही भेट दिली. त्याचबरोबर बीटी कवडे रोड, प्रभाग क्रमांक २१ येथे राष्ट्रवादी काँग्रेस पक्ष साधना बँक चेअरमन चंद्रकांत नारायण कवडे व नगरसेविका सुरेखाताई कवडे यांच्या निवासस्थानी देखील आढळरावांनी सदिच्छा भेट दिली.

पुणे : शिरूर लोकसभा मतदार संघात महायुती आणि महाविकास आघाडीच्या उमेदवारांनी प्रचारासाठी जोरदार तयारी केलेली आहे. शरद पवार गटाचे डॉ. अमोल कोल्हे विरुद्ध राष्ट्रवादी कॉँग्रेसचे शिवाजीराव आढळराव पाटील अशी या मतदारसंघात लढत होत आहे.  जुन्नर तालुक्यात प्रचार करत आसतान शिवाजीराव आढळराव पाटील यांना निवडून आणण्याची शपथ घेण्यात आली आहे. 

जुन्नर तालुक्यातील प्रचारा दरम्यान भाजप नेत्या आशा बुचके यांच्या घरी शिवाजीराव आढळराव पाटील गेले  होते, यावेळी बेणके, सोनवणे, काळे आदींसह महायुतीचे पदाधिकारी, कार्यकर्ते मोठ्या संख्येने उपस्थित होते. 

या प्रसंगी चहापानानंतर  आढळराव पाटील घरातून बाहेर पडण्यापूर्वी या कार्यकर्त्यांनी एकमेकांच्या हातात हात घेत  ''हम सब साथ है अशा घोषणा दिल्या आढळराव पाटील यांना आम्ही पाठिंबा दिला असून त्यांना खासदार म्हणून लोकसभेत पाठवायचं आणि 400 पार मध्ये  मोदींसाठी एक आपला खासदार द्यायचा अशी शपथ घेण्यात आली.

पिंपरी :  बोऱ्हाडेवाडी, मोशी येथे सर्व्हे २३० (१३४७) मध्ये महापालिकेच्या वतीने घनकचरा व्यवस्थापन कायद्यानुसार कचरा स्थानांतर केंद्र उभा करण्याचा प्रस्ताव आहे. अगोदरच मोशीमध्ये कचरा डेपो आहे. तसेच रिव्हर रेसिडेन्सी येथील रद्द करण्यात आलेला सांडपाणी प्रकल्प त्याच्याच खाली २०० मीटर वर सुरू असून त्याचे काम वेगाने सुरू आहे. त्यातच आता प्रत्येक क्षेत्रीय कार्यालयांतर्गत प्रत्येकी दोन कचरा स्थानांतर केंद्र करण्यात येणार आहेत. जुना प्रभाग क्रमांक २, ६, ८ व ९ यापैकी बोऱ्हाडेवाडी येथेच एक

कचरा स्थानांतर केंद्र उद्यानाची जागा आरक्षित असताना त्याच जागेवर हे केंद्र उभा करण्यात येत असल्याने नागरिकांनी राष्ट्रवादी काँग्रेसचे उपाध्यक्ष अतिश बारणे व महिला आघाडीच्या अध्यक्षा प्रा.कविता आल्हाट यांच्या नेतृत्वाखाली शिषटमंडळाने उपमुख्यमंत्री अजित पवार यांची भेट घेऊन आपल्या संतप्त प्रतिक्रिया व्यक्त केल्या.

नागरिकांच्या प्रतिक्रिया ऐकल्यानंतर अजित पवार यांनी पिंपरी चिंचवड महानगरपालिका आयुक्त शेखर सिंग यांना दूरध्वनी वरून संपर्क साधत माझ्या कार्यकर्त्यांना वाली नाही असे समजू नका असा सज्जड दम देत कोणते ही काम विचार विनिमायानी करा असे आदेश दिले आहेत. 

मुंबई येथील देवगिरी बंगल्यावर शिष्टमंडळ भेटल्यानंतर सोसायटी धारकांच्या प्रतिनिधी यांनी राष्ट्रवादी काँग्रेसचे शहराध्यक्ष अजित गव्हाणे, उपाध्यक्ष अतिश बारणे, महिला आघाडीच्या शहराध्यक्ष कविता आल्हाट, नगरसेवक वसंत बोराटे, चिखली मोशी फेडरेशनचे अध्यक्ष विकास साने, विशाल आहिरे, अश्विनी सस्ते, जीवन सस्ते काशिनाथ धरी, उमेश उगीले, विनोद शिर्के यांनी आयुक्त शेखर सिंग यांची भेट घेतली. 

तसेच २४ मीटर रस्त्यावरील मोकळे मैदान आरक्षण १/१३७ येथे हॉर्स रायडिंग साठी विकसित करण्यात येणार आहे. त्याला ही परिसरातील रिव्हर रेसिडेन्सी, स्वराज्य, क्रिस्टल, ऐश्नावर्यम हमारा, शुभयोग, प्रिस्तींन ग्रीन, सिल्व्हर ९ सोसायटीतील नागरिकांनी विरोध दर्शविला आहे. जुना प्रभाग क्रमांक दोन येथे मैदान नसल्याने परिसरातील खेळाडू या मैदानावर सराव करीत आहेत. तसेच या ठिकाणी ओपन जिम असल्याने परिसरातील नागरीक व महिला व्यायामासाठी वापर करत होते. परंतु महापालिका प्रशासनाने याठिकाणी हॉर्स रायडिंग साठी जागा आरक्षित केल्यामुळे परिसरातील मुलांनी खेळण्यासाठी खासगी व्यवसायिकाकडे पैसे मोजून खेळायचे का असा सवाल ही उपमुख्यमंत्री अजित पवार यांच्या समोर उपस्थित केला. त्यासंदर्भात ही उपमुख्यमंत्री अजित पवार यांनी मुलांनी सराव व खेळ कोठे खेळायचे असा सवाल आयुक सिंग यांना केला आहे. 

आपण काही निर्णय एकतर्फी घेत आहात. यापुढे असे चालणार नाही. नागरिकांच्या दृष्टीने व त्यांचा विचार करूनच निर्णय घेणे अपेक्षित आहे. यापुढे कोणतेही निर्णय मला विचारल्याशिवाय घ्यायचे नाहीत, मी महापालिकेमध्ये मीटिंग घेणार आहे. त्यावेळी नागरिकांच्या, शहरवासीयांच्या हिताचे निर्णय घेतले गेले पाहिजेत. फक्त कोणी तरी सांगत आहे म्हणून जर आपण काही निर्णय घेत असाल तर ते थांबवा. माझ्या कार्यकर्ते, पदाधिकारी यांनी प्रश्न मांडले तर त्यावर ही विचार करा, तुम्हाला माझी काम करण्याची पद्धत माहीत आहे, कोणते ही निर्णय यापुढे एकतर्फी झाले नाही पाहिजेत असा सज्जड दम अजित पवार यांनी आयुक्त शेखर सिंग यांना दिला. 

अजित पवार गटाच्या पदाधिकारी व कार्यकर्त्यांत  उत्साह... 

महापालिकेत भाजपाची एकहाती सत्ता आहे. त्यामुळे बहुतांशी भाजपाच्या आमदार, नगरसेवक व पदाधिकाऱ्यांची चलती आहे. परंतु राज्यातील राजकारणात शिंदे, फडणवीस आणि अजित पवार हे गट एकत्रित आल्यामुळे महापालिकेतील ही राजकारण बदलले आहे. भाजपा बरोबरच अजित पवार गटातील पदाधिकारी, कार्यकर्ते यांनी मांडलेल्या प्रश्न सोडविण्यासाठी प्राधान्य द्या असे आदेश उपमुख्यमंत्री अजित पवार यांनी दिले आहेत. यापुढे कोणतेही निर्णय नागरिकांच्या विरोधात कोण तरी सांगत आहे म्हणून घेऊ नका असे खुद्द आयुक्तांना आदेश दिले असल्याने अजित पवार यांच्या गटातील पदाधिकारी व कार्यकर्त्यांमध्ये उत्साह निर्माण झाला आहे.

हॉर्स रायडिंग ऐवजी क्रीडांगण करा

तसेच २४ मीटर रस्त्यावरील मोकळे मैदान आरक्षण १/१३७ येथे हॉर्स रायडिंग साठी विकसित करण्यात येणार आहे. त्याला ही परिसरातील रिव्हर रेसिडेन्सी, स्वराज्य, क्रिस्टल, ऐश्नावर्यम हमारा, शुभयोग, प्रिस्तींन ग्रीन, सिल्व्हर ९ सोसायटीतील नागरिकांनी विरोध दर्शविला आहे. जुना प्रभाग क्रमांक दोन येथे मैदान नसल्याने परिसरातील खेळाडू या मैदानावर सराव करीत आहेत. तसेच या ठिकाणी ओपन जिम असल्याने परिसरातील नागरीक व महिला व्यायामासाठी वापर करत होते. परंतु महापालिका प्रशासनाने याठिकाणी हॉर्स रायडिंग साठी जागा आरक्षित केल्यामुळे परिसरातील मुलांनी खेळण्यासाठी खासगी व्यवसायिकाकडे पैसे मोजून खेळायचे का असा सवाल ही उपमुख्यमंत्री अजित पवार यांच्या समोर उपस्थित केला. त्यासंदर्भात ही उपमुख्यमंत्री अजित पवार यांनी मुलांनी सराव व खेळ कोठे खेळायचे असा सवाल आयुक सिंग यांना केला आहे.